قصة جديدة لرحمة طارق

_اية دا !
_اية
_دا الغدا الي بقالك تلت ساعات بتحضريه 
منبهر باين انبهاره لا طباخة طباخة مفيش كلام
_اه حلو صح تسلم ايدي متتعودش علي كدا بقي ي قلبي. 
مشيت كام خطوة..راح مسكني من ياقة الترينج
_اقسم بالله مااسلوب دا هو انت كان نفسك تكون مخبر 
_إشمعني !
_أصلي أفايا ورم ي باشا 
ضحك وشاور علي الاكل

_مكرونة وبانية برضو !
_عادي تاني مرة مجراش حاجة 
بصلي بشړ
_اية تالت..سادس !!
_رحمااااااه
_عادي متجوزين بقالنا ٦ شهور وأكلة كل يوم 
_طب ودا ملفتش نظرك لحاجة كدا 
_اني مكملتش سنة كاملة بنفس الوصفة صح !
_ولما اتجوز عليكي 
_تتجوز عليا ! طموحاتك بعيدة اوي طب خوني حتي الاول.
الناس بقت غلابة أوي ي خال..والدنيا قاسېة وغدارة و...ي تري الباشا فين دلوقتي اتجوز عليا ! لا لا مين ترضي به
الغرور هياكل مني حته ي ولاد
جرس الباب رن..حماتي اللذيذة كالعادة ام تلت رنات
_اهلا ي طنط اتفضلي 
_اية اهلا دي دا بيت ابني يعني بيتي ي حلوة.
اممم بدأنا بقي..ي معين ي رب.
_طب تشربي اية
_وانتي كمان هتضايفيني ! هو انتي مبتفهميش الكلام بسرعة لية ي حبيبتي قوليلي لو فيه مشكلة يطلقك..قصدي يلحقك
ابتسمت بسخرية_لا طنط انا فل تعيشي
_بلدي أوي سوفاچ..معرفش ابني بصلك ازاي
_بس ابنك مبصليش ي طنط 
_اومال اتقدملك ازاي ي روح طنط 
_وقع
_وقع !
_اه وقع فيا ي طنط..ولف كعب داير لحد عنوان بيتي هاااح 
اصلنا بنات ناس وبنات اصول علشان كدا متلاقوش زيينا كتير.
بصتلي بغيظ وسكتت وانا ابتسمت في اللحظة دي دخل محمود وحط مفاتيحه بتعب علي السفرة واتفاجئ بمامته
_ماما..أية المفاجأة الجميلة دي 
بصتله..بټعيط !! نهار منقط مين كان بيشرشحلي من دقيقة !!
قرب_مالك بس ي ماما في اية
_مش بتسأل علي أمك ي محمود بنت الهام اخدتك مني !
وأية دخل امي في الموضوع بقي ! ولما امسك في خڼاقها هيكون حلو يعني ! ماشي الصبر الصبر 
_ي امي أنا كنت عندك امبارح 
_ولية مش النهاردة 
كملت اللحن_ولية مش دلوقتي..اقولك هتوحشني ي حبيبي متقطعش الجوابات بقي 
_رحمة
_هحضر الغدا 
مسكت السکينة وانا علي أخري وبعدين في راس الحية دي !
أنا عارفة مش هتجبها لبر والله غير لما..
استغفر الله قتل اية بس وكمان قطع !! عڼيفة أنا شوية
_شوية !!
احم يظهر اني كنت بفكر بصوت عالي 
_اوكية كتير..امسك الاطباق ويلا 
خرجنا نحط الاطباق علي السفرة بهدوءراحت قايمة منفوضة من مكانها وجاية ناحية محمود..طبطبت علي صدره _عيني عليك وعلي بختك يابني..بتجيب الاطباق ماتغسل لها رجليها بالمرة !
_ي أمي..
_ي طنط رجلي أية بس..نوفر البور بتاع زينة الرجاله لغسيل السجاد كل سنة وانتي طيبة رمضان بيهل اهو اه انا عاوزة فانوس ي محمود 
_سجاد !!!! انت بتغسل سجاد ي محمود 
_احم..ساعات يعني 
مسكت ايده واخدت شنطتها _يالا ي عين امك تعالي ارتاح عندي اسبوع دي كانت جوازة مهببه
_ي أمي لحظة بس..
_محمود
وقفت وبصتلي بغرور وثقة وانا بقاوم دموعي بالعافيه
_تليفونك ي حبيبي