رواية ابن ليل لـ اميرة اسامة
سونه
سونهو هنحرقوا دمك ليه انا بس بنفكرك باللي قولناه ومعجبكيش
سماح على فكره بقي حسن بيحبني
سونهباين يابت انه بيحبك عشان كده هتتجنني ايه مش معبرك
بصتلها سماح بحزن
سماحكل ما نكلمه يا اما يكنسل يا اما يرد ويقولي اقفلي هنكلموكي لما نفضي
نعمل ايه يا سونه
سونه اتقلي يابت ومتبقيش مرميه طنشيه ولما يكلمك متعبريهوش
سونهاللي نعرفه اللي بيحب بجد بيفضي روحه للي بيحبه
سماحمش بنقولك انتي عايزه تضايقيني وخلاص ما طبعا ما صدقتي يجي حسن تحت ضرسك
سونهيابت هو حسن ده ابن درتي بس انا نعرفهم اكتر منك دي عيله واطيه يا بت اسمعي كلامي ومتبعتيلوش وهو لما يحس انك مطنشاه هيكلمك ووقت ما يكلمك متعبريهوش الراجل يابت بيحب الست اللي تدوخه
سونهبحزن يابت هو كرم ده زي اي راجل وبعدين في فرق كبير كرم لسه قلبه موجوع من الحدوته بتاعته مع اللي ما تتسمي انما حسن قلبه كان مشغول بيكي واول ما شاف غيرك حاله مال يبقي احنا نعملوا ايه نتقل ونخليه يلف حوالين نفسه عشان يرجع لعشه من تاني فهمتي يا بت الموكوسه
في صباح يوم جديد البنات جهزوا وحسن كان مستنيهم تحت قدام البيت جنب العربيه
محمد هو الولا حسن متشيك كده ورايح فين
احمدمنعرفش يمكن عنده محاضره مهمه
محمدهو بيروح الجامعه غير عشان يتسرمح ده بيروح لسماح اكتر ما بيروح لروحه
احمدامال رايح فين ده
هيمااه نقعدوا نرغوا و نسيبوا شغلنا وانا متمرمط بين تشطيب الدكان بتاعي وبين الشغل معاكم
هيماليه وماله لابس اللي عالحبل كده ليه
احمدبضحك بيصيع من غيرنا يا هيما يرضيك كده
هيمااه يا ابن الجزمه خارج مع بنات عمته ولا ايه
محمدياعم بنات عمته ايه ده لوحده استني اما اكلمه
حسن بص وراه وضحك اول ما رن عليه عرف انهم شايفينه
حسن والله قولت هلف واشوفكم واقفين بربطه المعلم طبعا هتبيضوا عشان تعرفوا رايحين فين
هيماتصدق يالا لو خارج مع المزز من غيرنا هننفخوك
حسنما تحترم نفسك يا هيما واه خارج مع المزز
هيماشوفتوا مش قولنالكم رايحين فين
حسنهيجيبوا شويه طلبات نقصاهم للجامعه بتاعتهم عشان بكره اول يوم دراسه ليهم وبعدين هنفرجوهم على اسكندريه وهنروقوا عليهم اتبسطت
هيمااه يا ابن الجزمه
محمدطب مقولتش ليه ياض
حسنعشان مكنتوش هتعرفوا تيجوا مش عندكم شغل يلا يا هيما روح اقف مع النقاشين بتوعك وروح شطب الدكان عشان تلحق تعمل افتتاح
هيماانت بتغيظني تصدق هروح امشي الصنايعيه
حسنولا يا حمو مش سامع صوتك ليه
احمدابدا بنركز معاك عشان نديك عين تمام والخروجه تبوظ
حسناعوذ بالله طيب بنقولكم ايه المشوار بتاع الطلبات ده اقل ما فيه ثلاث اربع ساعات انتوا عارفين البنات خليني اخلص معاهم وانتوا شدوا في شغلكم وبعدين تعالوا نتغدوا سوا على البحر وتتعرفوا عليهم اشطا
هيماده اشطا اوي
حسن بس بنقولوا ايه محدش يعرف ولما تيجوا كأننا اتقابلنا صدفه عشان امي ولا دره لو عرفوا هينفخوني
هيمايا جدع احنا ولا نعرفوك
حسناشطا اول ما نخلصوا طلبات هعرفكم اني رايح على البحر
هيماتمام الحق يالا الموزز نزلوا
حسنبضحك بص على البنات لقاهم خارجين الله يحرقكم اتكلوا يلا
هيماسلام
حسنايه يا بنات جاهزين
دارينايوه جاهزين
حسنطيب يلا اركبوا
دانهانا مبسوطه اوي عشان هشوف البحر ونخرج اخيرا
حسنليه مكنتوش بتخرجوا في
امريكا
دانهاكيد كنا بنخرج بس يعني الفتره الاخيره دي مكانش الوضع احسن حاجه وكمان في امريكا الوضع مختلف عن هنا كل الخروج في اماكن مقفوله يعني مطاعم كافيهات وبوقت معين
حسنلا هنا بقي السهر صباحي صيف وشتاء في مصر محدش بينام وجو اسكندريه مش هتلاقوه في اي مكان في العالم
ديمابصراحه انا يمكن لسه مشوفتش فيها اي حاجه بس امبارح لما كنا مع مامي فعلا الجو بتاعها مختلف حتي البحر بس مقعدناش كتير
حسنانهارده بقي هنظبطوكم سيبولي نفسكم هنعيشكم احلي يوم في حياتكم
دانهبحماس طيب يلا بينا
دارين بصت بطرف عينها لكرم
كرم
داريناه ياريت نركب عشان الراجل ده انا بصراحه بخاف منه
حسنبضحك كرم طيب يلا اركبوا
ديمااعوذ بالله هو باصصلنا كده ليه
دانه اركبي اخلصي بدل ما يجي يقتلنا بالسکينه اللي في ايده دي
ركبوا البنات مع حسن واتحركوا
اما سماح كانت واقفه في شباك اوضتها وشيفاهم وحاسه انها ھتنفجر من كتر الغيظ والغيره
سماحبقي كده يا حسن عايش حياتك ومروق طب وديني ما هنعديهالك وهنربيك
خرجت دره في الوقت ده من باب البيت مها كانت واقفه تنشر عند امها في اول دور
اول ما خرجت بصت بطرف عينها علي كرم
كرم
بعدت دره عينها بسرعه عنه وطلعت موبايلها تتصل على حسن
حسنايوه يا دره
درهبقولك يا حسن معلش
حسنقولي
درهانا جبت خط اول ما نزلت المطار بس مجبتش للبنات ممكن تبقي تجيبلهم عشان ابقي اكلمهم خصوصا بكره نازلين الجامعه عايزه اعرف اطمن عليهم
حسنتمام عندي انا دي هنجبلهم وهنخليهم يتصلوا عليكي وسجلي ارقامهم
درهمتحرمش منك يا حسن خد بالك منهم عشان خاطري ومتخليهمش يغيبوا عن عينك هما مش عارفين حاجه هنا
حسنمتقلقيش يا حبيبتي دول في عيني متحمليش همهم خالص انهارده وشوفي كل مشاويرك وكل شويه هنطمنوكي عليهم
دره ماشي يا حبيبي اتبسطوا
حسنيلا سلام
دره سلام
وبمجرد ما قفلت ولسه هتشيل الموبايل في شنطتها لقت في مايه بتقع عليها غرقتلها حرف البنطلون وجزء من السويت شيرت
رفعت دره عينها بسرعه لقت مها بتضحك ورافعه حاجبها وبتغني
مها
جزت دره علي سنانها بغيظ وحاولت تتمالك اعصابها وبعدين بصت علي كرم
لقته واقف مبسوط ومبتسم
كرممعاااانا يااارب
درهلنفسها اوك اوك اهدي يا دره اهدي خاااالص محصلش حاجه
هزت راسها شمال ويمين وطلعت تاني علي فوق تغير بسرعه
كرم
بكربنقولك ايه صحيح انا مش طايقها بس صعبت عليا
كرمميصعبش عليك غالي يا حنين
بكر ملاقتش غير مها تسوحها عليها مش هتحلها اديني بنقولك اهو
كرمخلينا نتسلوا احنا ورانا حاجه
بكرعلي قولك بس عايز نقولك حاجه
زمان دره ومها ودعاء لما كانوا بيحطوا راسهم في راس بعض كانوا بيبهدلوا الدنيا ودره متفرقش عن مها دماغها سم وزي ما مها اتفقت مع سونه دعاء ودره هيتفقوا واللي انت فرحان بيه الوقت ده هيتعك فوق راسك واديك شوفت جزء امبارح لما دبستك في الطلبات يعني مش هتعديهالك
كرم الله وانا مالي هو انا اللي رشيت عليها دي مها تصطفل معاها ويارب تعرف تسد مع مها
بكرياخوفي تسيب مها وتقفش فيك انت
كرميبقي جات لقضاها
بكرسترك ياااااارب
كرمبكر بنقولك ايه
بكر قول
كرمالشغل انهارده مريح وهادي هخلع انا اروح مشواري اللي قولتلك عليه ومش هغيب وكده كده معاك الشباب جوه
بكرتمام روح الشغل هادي زي ما قولت مش كتير متيشلش هم
كرمطيب انا هطلع اغير في السريع ونروح
بكرطيب يا صاحبي يلا روح ربنا معاك
كرميارب
سابه كرم وطلع على شقته عشان يغير
فتحت مها الباب واول ما شافته ضحكت
مها على فين
كرمطالع نغير يا مصېبه عندي مشوار وبعد كده ابقي نشني صح المايه جات عليا
مهاالمهم انها طالت اللي ما تتسمي
كرم طالتها متقلقيش وكانت بتطلع ڼار من عينها
مهاكنت مستنياها تتكلم عشان نسمعوها ربع بس سكتت
كرممتقلقيش لو عالربع اكيد هتقوليه بس هي شكلها كان مستعجل ومحبتش تضيع وقتها
مهاالايام بينا وانا مش هنحلها
كرمطيب انتي رايحه فين
مهاكنت طالعه نغسلك وننشرلك
كرمطيب يلا تعالي عندي غسيل كتير وبالمره خدي اللي عليا دول
مهاعيني يلا يا اخويا
درهحظها اني مش فضيالها و مستعجله بس وديني ما هنعديها يامها
دعاءهي خلاص حطتك في دماغها هي وسونه زي ما قولتلك ركزي بس المهم الوقت سيبك منهم وركزي في شغلك اتوظفي انتي بس وانا هنقعدوا نتكتك في كام حاجه كده وناخدوا حقك
درهبضحك وماله مش هما اللي قرروا يبداوا اللعب يستحملوا هزاري بقي بس ميبقوش يعيطوا لما يلاقوا هزاري
تقيل
دعاءطيب يلا عشان متتأخريش
درهشكلي حلو
دعاءزي القمر وان شاء الله ربنا هيقف معاكي وهترجعي وانتي مبسوطه
درهيارب يا دعاء ادعيلي
دعاءربنا معاكي ويوفقك يا احلي دكتوره
دره ويخليكي ليا يا احلي اخت في الدنيا باستها دره بحب يلا سلام
دعاءسلام قفلوا
الباب ونزلت دعاء علي شقه نبيله و نزلت دره على تحت
نبيلهكنتي فين يابت
دعاءكنت بنشوف دره
دره هي مش نزلت
دعاءاللي ما تتسمي مها حدفت عليها مايه وطلعت غيرتها
نبيلهبضحك رجعت لايام زمان
بنقولك ايه يا بلبله
نبيله قولي
دعاءبالله عليكي يا اما ادعي لدره من قلبك دعوه حلوه عشان تتوفق في الشغل بتاعها
بصتلها نبيله وسكتت
نبيلهطول عمري بندعلها يا دعاء حتي وانا زعلانه منها
دعاء نفهم من كده انك دعيتلها
نبيلهبحب دعينالها يا دعاء ومتقلقيش هترجع مجبورة الخاطر مټخافيش عليها طول عمرها اللي في دماغها بتعمله وبتصمم على اللي عيزاه عنديه زي امها
دعاءبحب باستها من خدها والنبي ما في احلي ولا احن من امها ربنا يخليكي ليها ويخليها ليكي
نبيلهويخليكي ليا يا بنت الاصول
دعاء حبيبتي يا بلبله
خرجت دره من البيت وقبل ما تخرج بصت على فوق خاڤت مها تكون واقفه تاني واول ما لقت البلكونه فاضيه خرجت بسرعه على بره
منكش يا صباح الحلويات
دره صباح الخير يا مكنش
زكرياخلاص رايحه
درهايوه يا بابا
زكرياربنا معاكي مش هتاخدي السواق بردوا
درهلا خليني اروح لوحدي عبدالله مش هنا بالعربيه وحسن كمان خد البنات عشان لو حصل حاجه يبقي في عربيه معاكم
زكرياهيحصل ايه يعني وبعدين في عربيه تانيه في الجراچ
منكش بسم الله ماشاء الله كل دي عربيات
ضحكت دره عليه
زكرياعينك يا ابن الفقريه
منكش هنحسدوك يعني يا معلم زكريا
زكرياسيبك منه المهم لو احتاجتي حاجه كلميني
درهربنا ما يحرمني منك
ابتسملها زكريا بحب وهز راسه
فرحت دره بالتطور اللي بيحصل بينها وبين زكريا و سابتهم ومشيت
بدأت دره يومها ما بين نقابه الاطباء وبين اختيارها للمستشفيات اللي حابه تقدم فيها يومها كان طويل
وصلت على مستشفي خاص وكانت معاها توصيه خاصه من دكتور كبير في نقابه الاطباء رشحها بنفسه لما شاف الشهادات بتاعتها في امريكا وعرف ان اكيد المستشفي هتستفاد من خبرتها
دخلت دره قابلت مدير المستشفي استمر الحديث بينهم حوالي ساعه الا ربع كانت مبسوطه جدا وكان نقاش مثمر بينهم انتهي بتعيين دره وبعد ما خلصت وسلمت على الدكتور خرجت وكانت طايره من السعاده
اول ما خرجت اتصلت على دعاء
دعاءطمنيني
درهاتعينت يا دعاء
سمعت دره صوت زغاريط فضلت تضحك وهي مبسوطه
نبيلهفي ايه يابت فرح مين
دعاءفرح ايه يا بلبله دي دره بتقولي انها اتعينت
ابتسمت نبيله بسعاده وردت بهدوء
نبيلهمبروك
دعاءلا مبروك دي تقوليهالها هي وبسرعه حطت الموبايل على ودنها
بصتلها نبيله بغيظ
ضحكت دعاء وطبطبت على صدرها بمعني عشان خاطري
نبيلهااا مبروك
فضلت دره ساكته شويه وهي دموعها نازله بفرحه
درهالله يبارك في عمرك يا امي
نبيلهربنا يوفقك إن شاء الله
درهيارب
دعاء هاتيها ايوه يا دودو هتيجي امته
درههجيب بس شويه حجات كده نقصاني وهرجع على طول
دعاءمتتأخريش عشان نحتفل
درهمش هتأخر يا حبيبتي يلا سلام
دعاءسلام
قفلت دره الخط وشالت موبايلها ووقفت خدت نفس طويل بعد ما ممسحت دموعها مشيت خطوتين وفجأه وقفت مره واحده قبل ما تخبط في كرم
بصلها كرم ورفع حاجبه
درهااا كرم انت بتعمل ايه هنا
كرمنعمممم وانتي مالك بتسألي ليه ميخصكيش
درهبراحه شويه اكيد ميخصنيش
على فكره
كرم ولما ميخصكيش بتسألي ليه
دره احممم
