سكريبت بقلم سولييه نصار

الموضوع ...
اتنهد وقعد وقال
الهام تبقي قريبتي ابويا وأبوها واحنا صغيرين قالوا هيجوزونا لبعض وانا لما كبرت شوفتها مجرد اخت بس هي مش قادرة تشيل الفكرة دي من دماغها ولازقت فيا وانا قفلت منها فأنتي عليكي ايه انك تعملي انك خطيبتي كدب يعني ...
وليه كدب يا فقري ما تتجوزني وتخلص أمة لا اله الله عرفت اني بحبك وانت تور ولا بتفهم ..
قولتها بصوت واطي فرد وقال
بتقولي حاجة يا نسرين ...
لا يا مدير مبقولش...
اتنهدت وقولت
بصراحة يا مدير ده طلب صعب ...خصوصا أن ليا معجبين وانت كده هتوقف حالي ..
معجبين 
اه طبعا معجبين وبيجروا ورايا عشان يتجوزوني بس رغم كده هضحي وابقي خطيبتك كدب يعني ...بس طبعا ليا طلباتي ...
اطلبي يا اختي ...
قربت وانا بقول 
عايزة الف جنية زيادة علي مرتبي ..
نعم يا اختي !!!
انت هتردحلي يا آسر ...
حط أيده علي قلبه وقال
آسر حاف ...
اومال بالجبنة يعني ...
خبط علي الترابيزة وقال 
انا المدير بتاعك يا هانم 
كنت المدير ...انت دلوقتي خطيبي ...وهتبقي قرة عيني ولازم استفاد من الموقف أيوة والا والله اقول لأستاذة الهام كل حاجة ...
انتي يا بت بتبتزيني ..
ايوة 
قولتها من غير كسوف وكملت 
ركز معايا بقا ...أنا هخلصك من البنت دي وانت تزودلي ألف بس 
اتنهد وقال
تمام خلاص فيه حاجة تاني ساعدتك ...
اه تجيبلي دبدوب كبير ويكون اطول مني ...
هو أنا بتكلم من بنت اختي يا نسرين متجننيش امي ...
يا مدير أنا هخلصك منها ... صدقني ملكش غيري ...
اتنهد بغيظ وقال
حاجة تاني ...
لا خلاص كده 
اتنهد وقال 
تمام كده بكرة هاخدك واعرفك علي اهلي بإذن الله ...وهنعمل خطوبة مؤقتا فترة كبيرة كده عشان تحل عني ...
تمام ...
ابتسم ليا ابتسامته كانت حلوة اووي وقال
مش عارفة اشكرك ازاي ...
اتجوزني ويبقي كتر خيرك ..
قولتها بصوت واطي فقال
بتمرطمي تقولي ايه !!
زعق فرديت بسرعة 
بقول ولا يهمك يا مدير احنا اخوات ...يالا عايز حاجة أنا همشي دلوقتي ...
طلعت من مكتبه وانا ماشية كأني طايرة...ياااه هتخطبله ونرقص سلو ...
وقفتني وسام وقالت
ايه اعترفتيله
لا ...بس هنتجوز...
نعم 
صړخت وسام پصدمة ...
بالليل ...
كنت قاعدة في الصالة لوحدي امي راحت زيارة لقرايبنا وانا كنت بتدرب ازاي هقولها علي الکاړثة اللي عملتها ...والله شفقانة علي الست دي كل يوم اجيب في أيدي کاړثة من برة واصدمها ... خاېفة تحصلها حاجة بسببي ...
ماما أنا كبرت دلوقتي قربت أتم التلاتين وان الاوان ...لا. ..لا 
كنت بتمرن قدام مرايا الصالة علي اللي هقوله بس أول محاولة محستهاش نافعة ...اخدت نفس وقولت
ماما أنا هتجوز....لا لا لاحسن تجيلها جلطة لا قدر الله ...
غمضت عيني وانا بقول بصوت عالي 
ماما انا اتجوزت المدير بتاعي وجبتلكم !!
فجأة فتحت عيني ولقيت امي واخواتي الولاد واقفين عند باب الشقة بيبصولي پصدمة ...
يا مرك يا نسرين!!!!!
يتبع
الجزء الرابعبقلم سولييه نصار
يا جماعة والله متجوزتش أنا كنت بهزر ...
قولتها وانا ببكي لامي واخواتي بيربطوني في الكرسي ...
امي بصتلي وقالت
...خلاص لو معملتش كده معاكي هتجلطيني فلازم اتصرف ...
وحياتك عندي يا امي متجوزتش ..
متحلفيش بحياتي ..
اتنهدت وقولت 
والله متجوزتش ...اقسم بالله كنت بهزر انتي عارفة هزاري تقيل
مش مصدقاكي ...
بصلي اخويا وقال
اقټلها يا امي ...
اتعصبت وقولت
ټقتل مين يا عبيط فاكر نفسك في فيلم هندي فكوني بدل ما احبسكم كلكم ....
ضړبتني امي علي راسي وقالت 
وليكي عين تتكلمي ...
ايوة ليا عين وودن وهتكلم عشان انتوا اوفر بصراحة أنا متجوزتش وفكوني عشان افهمك والا والله اصړخ والم أمة لا اله الا الله عليكم !!
بصتلي امي پغضب وبعدين جابت بلاستر وحطته علي بوقي وقالت
ودوها الاوضة واقفلوا