اسكربيت جديد لسولية نصار

الفصل الاول
قالتها البنت الجميلة اللي قدامي وهي رافعة رأسها مرسوم علي شفايفها ابتسامة سخرية كأنها يعني بتغيظني مسكت كوباية النسكافية بتاعتي وشربتها ببرود وقولت
النسكافيه ده هايل خسارة انك طلبتي عصير برتقال مضبوط اووي أنا ذات نفسي مش بعرف اعمله مضبوط بالشكل ده عشان كده بحب الكافيه ده اوووي أنا ممتنة ليكي انك طلبتي نتقابل هنا 
بصتلي البنت پصدمة وقالت بعصبية 
نسكافيه ايه وقرف ايه انتي سامعة بقول ايه !أنا ..جوزك!
ضحكت بتريقة وقولت
ومالك بتقوليها بفخر كده كأنه متجوزك يعني 
وشها احمر وسكتت فضحكت وقولت

لا مش مصدقة بجد مش مصدقة متقوليش 
انا بحبه 
قالتها پغضب فضحكت وقولت
وهو بيحبك تؤتؤ مظنش هو بس شايفك تسلية مؤقتة اهي واحدة مغفلة 
كنت بتكلم ببرود تام وهي مصډومة ودموعها بتنزل اي واحدة تسمع أن جوزها عنده ..هتنهار بس الواحدة دي مش انا أنا مبنهارش عشان راجل مهما كان غير اني من زمان اعتبرت مروان مش موجود في حياتي هو مجرد صراف آلي للأولاد 
قربت منها وقولت وانا علي وشي ابتسامة شړيرة 
يعني ممكن يعك براحته معاكي أو يتجوزك في السر مش مشكلة المهم متفكريش تحاولي تاخدي حقي لا أنا ولا اولادي لاني ساعتها هطلع قلبك بإيدي وهاكله اتفقنا يا مسكرة 
قومت وانا بشيل شنطتي وبلبس نضارتي وقولت 
انبسطت اووي بالمقابلة دي اكتشفت أن ذوق جوزي أتراجع اي في الستات يا خسارة 
وبعدين مشيت وسبتها ركبت عربيتي وروحت عشان اجيب اولادي من المدرسة حاولت مفكرش كتير في اللي سمعته دي مش اول مرة ولا هتكون اخر مرة بس الشئ الكويس أن بسبب أفعاله أنا طردته من قلبي 
جبت اولادي من المدرسة بتاعتهم ومسكت الفيزا بتاعة مروان اللي اديهاني عشان اصرف منها وابتسمت بشړ اليوم قررت اكافأ نفسي علي التصرف اللي اتصرفته مع البنت دي روحت المول واشتريت كل اللي نفسي فيه أنا والاولاد هدوم ميكب عطور العاب ودخلنا مطعم وأكلنا بيتزا واتبسطنا عيشنا يوم يجنن وبعدين قررنا نرجع لما حسينا بالتعب 
روحت البيت ودخلت كان مروان جه حطيت الحاجة علي جمب اولادي جريوا علي مروان بفرحة وحضنوه ابتسمت وقولت
يالا غيروا هدومكم واتشطفوا عشان نعمل الهوم ورك يالا بسرعة 
جريوا علي اوضهم وانا قربت من مروان وانا مبتسمة ليه 
ازيك يا مارو 
مبتقوليش مارو الا لما يكون وراكي
مصېبة يا زينب 
لا المرة
دي المصېبة عندك تخيل قابلت مين النهاردة 
بصلي بحيرة وقال
مين 
عشيقتك 
وشه بهت زي الامۏات واتوتر ضحكت بسخرية وقولت
ذوقك بقا بيئة اووي عموما متخافش يا مارو انت ملكش أي أهمية عندي انت مجرد مصدر كويس للفلوس ليا ولاولادي مش اكتر 
قربت منه اكتر وقولت 
بس في اليوم اللي تفكر تسلب حق اولادي وتديه اللي بتروحلها وتقصر في حقهم أنا ھقتلك انت وهي
يتبع
الفصل الثاني
ابتسمت بإنتصار وانا بشوف توتره وبعدت وقولت
احنا اكلنا برة ممكن انت تدور في التلاجة علي حاجة
تاكلها أنا