رواية ظننا أنه باب الأمل للكاتبة ملك ناصر

بمقاطعه حضرتك مش مضطر تبررلي انت حر في
حياتك بس على الاقل احترم انى شريكه معاك وان لو اسمك
وقع انا كمان شركتي هتقع معاك..
خرجت بره المكتب والشركه كلها حتى مدتلوش فرضه
بتكلم..
جاسر كان مضايق انها شايفاه كده وانها مش واثقه فيه..
جاسر لنفسو وهي تثق فيا ليه اصلا هي مجرد واحده شغاله
معايا.. فوق يا جاسر..
عند كيان..

كيان كانت مضايقه جدا وكانت بتلف حولين المكتب اوف
اوف غبي.. في ايه يا كيان انتى مالك اصلا هو حر في
حياتوا.. وترجع وتقول.. يعني هو بيحب بنت عمه.. اومال ايه
بقا مش قادر ينسى مراتوا وبيكلمها كل يوم ومخلص ليها..
كلكوا واحد كلكوا وحشين وخاينين.. وبعدين ضحكت
بسخريه على نفسها.. لا وانا اللى كنت بتمنى واحد زي جاسر
يكون بيحبنى ومخلص ليا حتى بعد ما اموت.. وكملت
بحزن.. انا محدش هيحبنى اذا كان بابا سابني منتظره ايه
تانى من الدنيا..
كيان فاقت من كلامها مع نفسها وقررت انها هتشيل من
دماغها الموضوع ده وهتكمل شغلها..
.. عند اسيل.
كانت قاعده في الكافيه بتشرب قهوه لحد معاد المحاضره
التانيه..
وهي قاعده جه شخص من وراها هالوز..
اسيل لفت بوشها ملقتش حد رجعت تبص اودامها لقت عدي
قاعد وبيشرب القهوه..
اسيا بشهقه عاااه القهوه بتاعتي..
عدي اممم طعمها حلو اوي..
عدي عامله ايه يا سولي..
اسيل سولي!.. مش ملاحظ انك اخدت عليا شويه..
عدي تؤتؤ مش ملاحظ..
اسيل يابنى هو انت مش وراك شغل..
عدي ورايا بس جيت اشوفك..
اسيل تشوفنى انا.. وشاورت علي نفسها.. ليييه
عدي عادي قولت في نفسي ماتيجي يا واد يا عدي تروح
نشوف البت سولي..
اسيل ممكن اسالك سؤال..
عدي قولي يا قمر
اسيل مسميييييش قمر.. بص يا استاذ عدي.. انا مثلا كنت
بلعب معاك في الشارع وانا صغيره..
عدي امم لا..
اسيل كان بينا عيش وملح وكده..
عدي لا برضو..
اسيل اومال لازق لامى ليه وبتتكلم بعشم كده ولا كأنك ابن خالتى..
عدي القهوه خلصت هقوم اجيب تانى اجبلك..
اسيل حطت راسها بين اديها بقله حيله..
في يوم كانت كيان قاعده مع جاسر في المكتب بيشتغلوا
كيان كانت سرحانه وفجاه ضحكت..
جاسر بصلها باستغراب في ايه..
كيان حطت اديها على بوقها تمنع الضحكه.. لا مفيش حاجه
جاسر بضحكه خفيفه بتضحكي ليه..
كيان هههههه ا.
قاطع ضحكهم صوت فتح الباب بهمجيه وكيان اټفزعت..
داليا دخلت وبصوت عالي الله الله قاعدين بتضحكوا
وصوتكوا مسمع بره ولا كانكوا في شركه وبتشتغلوا..
كيان پغضب انتى ازاي تتكلمى كده وصوت ضحك ايه اللي
طالع بره اصلا..
داليا بغرور انا موجهتش ليكي كلام انا بكلم جاسر.. ها يا
جاسر كنتوا بتضحكوا ليه ضحكوني معاكوا.. وقعدت على
الكرسي وحطت رجل على رجل..
جاسر پحده انتى ازاي تدخلي كده من غير ما تخبطى..
داليا والله انا حره داخله شركه بابي ادخل المكان اللي انا عايزاه..
كيان وشركه بابي دي مش بتاعتوا لوحدوا يا حبيبتى بتاعتي
انا وجاسر كمان..
داليا بقرف مين انتى علشان يكون ليكي مكان في شركه
كبيره زي دى.. انتى مجرد واحده لقاها راجل في الشارع
وقال يشفق عليها ويخليها بنى ادمه مش اكتر..
كيان بصت لجاسر پصدمه ودموع متحجره في عيونها.. مش
لانها عرفت حقيقتها لا.. لان جاسر اللى وثقت فيه واديتو
سرها راح وقالو بكل سهوله لبنت عمو والله يعلم فضلوا
يتمسخروا عليها اد ايه مع بعض..
جاسر اټصدم انى داليا عرفت وبص لكيان باستنكار..
جاسر لداليا پغضب داليااا اخرسي
يتبع جاسر لداليا پغضب داليا اخر سي..
داليا بدلع اخ رس ليه يا حبيبى مش انت قولتلي كده برضو..
كيان بكبرياء اولا يا داليا هانم انا ابدا مش مكسوفه من ده
واه انا مجتش من الشارع على فكره انا كنت بشتغل برضو
ولقانى بابا محمد الله يرحموا واعتبرنى بنتو.. بس الظاهر ان
ابن عمك جاسر بيه نسي يقولك حاجه.. انى انا اللي كبرت
الشركات وانى الشركه اللي واقفه فيها دي نصها بتاعتي انا
ونص الاسهم ليا انا يعني ليا فيها اكتر ما ليكي..
وبصت لجاسر بسخريه وكبرياء عن اذنك يا جاسر بيه..
وخرجت بره وقفلت الباب بقوه..
داليا كانت واقفه ببرود ومربعه اديها بلا مبالاه..
جاسر مسك دراعها بعصبيه انتى ازاي عرفتى الكلام ده
انطقيييي..
داليا ببرود منك يا بيبي..
جاسر مقدرش يتمالك اعصبوا وكان هيرفع اديو ويضر بها
بالقلم بس تراجع في اخر لحظه..
داليا انت هتض ربني عشانها يا جاسر.. هتض ربني عشان دي..
جاسر دي اللي بتتكلمي عليها ارجل واحسن منك بمليون مره
قدرت تقف على رجلها وتخلي الشركه شركتين وتلاته مش
زيك هايفه وملهاش اي لازمه كل اللي عليها تعمل شوبنج
وتلبس وتخرج..
احمدى ربنا انك بنت عمي وانى بس بحترم عمي واخواتك
بس صدقيني يا داليا لو شوفت وشك تانى هتندمى سامعه..
سااااااااامعه
داليا پخوف سامعه سامعه..
خرجت داليا من المكتب بسرعه وجاسر نزل يلحق كيان قبل
ما تمشي..
اودامك مدخل الشركه كانت كيان ماشيه بأتجاه عربيتها..
جاسر وهو بيجري وراها ومهمهوش منظره اودام الموظفين
كيان.. كياان استني..
كيان كانت مكمله لحد ما وصلت لباب العربيه ولسه هتفتحها
جاسر مسك اديها..
بصت لايدو اللى ماسكه اديها وبصتلوا پحده
جاسر ساب اديها اسمعيني.. والله العظيم ما قولت لحد
حاجه ومعرفش هي عرفت منين..
كيان بسخريه هو كان في حد قاعد معانا.. عموما العيب مش
عليك العيب عليا انا اللى وثقت في حد تاني..