يوميات زوجة مچنونة

بيتصل علي الدليفري يارب صبرني اتجوزت واحده هبله ...
.................................................. 
تاني يوم الصبح قامت رقيه من النوم بصت جنبها لقت باسم نايم ...
كان شعره نازل علي عيونه بعشوائيه ...شكله كان لطيف اوي
زي اول مره شافته فيها كل مره تبص في عينه ولملامح وشه تنبهر وكأنها المره الاولي ...
معقوله في حد جميل ولطيف اوي كده 
معقوله في حد طيب وحنين وقادر يحتوي الشخص اللي بيحبه ويقدر أنه بيحاول عشانه لكن كل مره بيفشل وبالرغم من كده عمره ما زعق ولا حتي اتضايق ..
معقوله في حد ممكن يحبها زي باسم !

لمست دقنه بكل رقه وهي بتميل برأسها علي كتفها بهيام وعشق يكفي العالم ....
صباح الجمال
رقيه بابتسامه رقيقه صباح الجمال ياحبيبي
باسم وهو بيفرد دراعاته علي المخده امممممم الساعه كام !
رقيه وهي بتهز رأسها عشره الصبح
باسم وهو بيبوس ايديها برقه طب ممكن تحضريلي الفطار لحد ما اجهز نفسي!
رقيه بهدوء حاضر
باسم باستغراب مالك ياحبيبتي !
رقيه باسم انت ممكن تزهق مني في يوم !
باسم صباح الخير ياحبيبتي بس فقره النكد معادها بليل مش دلوقتي !
رقيه بغيظ باسم لو سمحت رد عليا
باسم وهو بيتنهد رقيه حبيبتي احنا لسه الصبح مش فايق للنكد بصراحه
رقيه قصدك ايه قصدك ان انا بنكد عليك يعني
باسم بضيق اصطبحنا واصطبح الملك لله حلمتي بايه يارقيه!
رقيه وهي بتفرك ايديها بتوتر ح حلمت أنك طلقتني عشان مش بعرف اطبخ وانك اتجوزت عليا
باسم بمزاح طب كانت حلوه !
رقيه باستغراب هي مين !
باسم اللي اتجوزتها !
رقيه بغيظ عااااا انت بټعصبني ليه!
باسم في ايه ياحبيبتي انا بتطمن علي مستقبلي
رقيه بزعل ودموع ماليه عيونها لا كانت وحشه وعلي فكره بقي انا احلي منها وانت اللي هتندم روح بقي اتجوزها ..
قالت جملتها وهي بتقوم من مكانها وبتخرج من الأوضه وهو بيبص لآثرها بذهول
باسم وهو بيضرب كف فوق التاني لا حول ولا قوه الا بالله ربنا يعينك علي المهلبيه اللي في دماغك ..
شويه ودخلت رقيه وهي بتنشف وشها بالفوطه وبتفتح الدولاب وبتخرج الشنطه وهي بتحط هدوم فيها
باسم برفعه حاجب ده ايه ده بقي أن شاء الله !
رقيه زي مانت شايف شنطه
باسم بسخريه لا بجد ! كنت فاكرها جزمه !
رقيه بقرف دمك يلطش
باسم وهو بيقرب منها بعصبيه وبيشد منها الهدوم انتي بتعملي ايه !
رقيه وهي بتتنهد بضيق زي مانت شايف بحضر شنطتي وياريت ورقه طلاقي تتبعت بكره ومبروك مقدما
باسم بذهول مبروك ! مبروك علي ايه انتي متخلفه
رقيه مبروك علي جوازك بس ياريت تستنضف ..
باسم وهو بيسمح علي وشه بغيظ اصطبحي يارقيه وقولي ياصبح وفكك من الجنان بتاعك ده
رقيه بضيق يووووه بقي ياباسم هو انت مش بتنخانق ليه !
باسم باستغراب نعم !
رقيه اووووف انا عايزه اعيش جو الافلام وازعل واروح عند اهلي وانت تفضل كام يوم من غيري وكل ما تدخل البيت تسرح في كل ركن وانت بتفتكرني وتحن وتشغل عمرو حسن وهو بيقول
ياورداية ف جبل روحي 
يا أول شمس في الدنيا
يا شيء Well Done
يا Only One
يا زوجتي الأولى والتانية
وأجمل ضحكة في سنيني
وحشتيني 
وبعدين بقي متقدرش علي بعدي وتروح تجيب بوكيه ورد من الكبير اللي مليان شوكليت ده بس حط شاورما بدل الشوكلت وتيجي تخبط علي باب اهلي وتقعد تقولي وحشتيني وبحبك وحياتي فاضيه من غيرك وانا بقي احن وارجعلك !
باسم وهو بيحط أيده علي جبينها انتي سخنه !
رقيه وسع كده وسع اروح اعمل اكل ده أنت زوج مثالي جدا 
باسم وهو بيرفع رأسه لفوق يارب انا عملت ايه في دنيتي عشان يحصل معايا كده
رقيه من برا بصوت عالي تكفير ذنوب عملت ذنوب كتير في حياتك
باسم وهو بيهز رأسه باقتناع صح عندك حق كويس انك عارفه نفسك ...
عاااااااااا
باسم وهو بيتنفض بقلق من مكانه رقيه في ايه ....
يتبع
إيمان_شلبي
يوميات_زوجه_مجنونه
البارت_الثاني
خرج باسم وهو حاطط أيده علي قلبه من الړعب ...
وقف مكانه پصدمه وهو فاتح بوقه لما شاف رقيه واقفه تتنطط قدام التليفزيون وبتسقف زي الاطفال لما شافت توم وجيري شغال !
رقيه بفرحه تعالي ياباسم تعالي اتفرج معايا علي توم وجيري
باسم بذهول يعني وقعتي قلبي بين رجلي وفزعتيني عشان توم وجيري !
رقيه وهي بتبصله ببراءه اه طبعا ده توم وجيري