حواديت نيرة

تعبي مرحش علي الارض كل سنين المحاولات دي فرحوا اوي و لما قولتلهم انه حلق شعره كامل عشان بس يجرب المنتج فرحوا اكتر قالولي انه شخص امين واني هوصل علي ايده بعد الإعلان ده ضحكت و نمت ف اليوم ده وانا مبسوطة اوي .
قمت تاني يوم علي مسدج منه بيقولي
_اعملك منشن دلوقتي ولا لما اخلص الكورس عشان ناس كتير عايزين اسم البيدج
ابتسمت وانا بكتب ال حضرتك شايفه انت بتفهم اكتر مني ف حته الماركتينج دي
رد بعد خمس دقايق بس!
_انا بقول نستني لحد ما الكورس يخلص وقتها هتبقي المسدجات مضاعفة عن كده و كمان عشان الناس تتشوق اكتر
فرحت اوي بالكلمتين دول طمنوني

انا مش عارفة اقولك ايه علي امانتك والله و مساعدتك
_ متقوليش حاجه أقبلي الفولو !و ده بقا مش باللمس ده بالبوج
ضحكت اوي و كتبت
حاضر ده يشرفني
عمل لاف و سكت وانا قبلت الفولو ولاني عملاله فولو ف هو بقا عندي علي الاكونت الشخصي والبيدج بتاعت المنتج .
بعد اسبوع نزلت استوري بصورتي علي اغنية بحبها عشان ألفت نظر سليم بقاله اسبوعين مش بيكلمني
فتحت بعد ساعتين و توقعت ان سليم هيبتعلي اني امسح الاستوري كعادته بس لقيت مسدج متوقعتهاش
_ الأغنية حزينة اوي مش لايقة علي براءة الصورة
انا فضلت متنحه كده مش عارفة ارد اقوله اي طيب ده تلاقئية منه ولا غزل !
براءة 
_ايوة قصدي علي طبيعة الصورة يعني الشجر ال وراكي و السما
شجر شجر ااه !
عادي بحب الجزء ده من الأغنية 
و بعت قلب ف نهاية الجمله
عمل لاف و سكت
فات اسبوعين تانين و سليم مكلمنيش شاف الاستوري و برضو متكلمش دخلت بعتله رسايل كتير شافهم و مردش عليا اونلاين 24 ساعه مع انه كان بينام من 11 بليل عشان شغله 6 الصبح دلوقتي فاتح ل 6 الصبح!
_كل ده شايفه و ساكت هو انا ازاي بهون عليك تسيبني كده
المرة دي لقيته شافها و رد بسرعة
عشان تعبت منك و من العلاقة دي مش ذنبي ان اهلك مكنوش فاضيين يربوكي و يعرفوكي يعني ايه راجل و تعامليه ازاي
بدأت اعيط وانا بكتب _ ايه دخل اهلي ليه دايما في كل حوار بينا قاصد تكسرني قدام نفسي بكلامك عن اهلي 
عشان ده الواقع ال انتي مش قادرة تتقبليه ولا انا بقيت قادر عليه
ايدي بدأت تترعش وانا بكتب قلبي حاساه هيطلع من مكانه من كتر الخۏف
_ قولي بكل صراحه انت عايزني في حياتك ولا لا 
شافها و سكت
عياطي زاد كنت بغمض عيني من خۏفي من الرد و بضغط علي شفايفي الموبايل اتهز ف ايدي
فتحت عيني براحه و فتحت المسدج 
لا مش عايزك 
_ بعد كل ال عملته عشانك بتقولها كده بكل سهولة 
انتي عملتي ايه انتي مصدقة نفسك ولا ايه لو حد عمل ف هو انا استحملت احط ايدي ف إيد خالك عشان ابوكي رافض يدخلك ف حاجه! مرات خالك ال كانت بتتصدر ليا و لأهلي ف اي حاجه وامك موجودة!
انتي ال جابوكي الدنيا محبوكيش! وانا جيت قدمتلك كل حاجه انتي واحده فاشلة يا موج كل ما بتدخلي حاجه بتفشلي فيها وانا عايز واحده شبهي ست بمعني أصح مش مسترجلة و مش ناجحه ف حاجه
الكلام وجعني اوي لمس حتة صعبة ف قلبي
_انا مخترتش ان اهلي ينفصلوا و يسبوني لواحد زيك يقولي كده انت مكدبتش فعلا هي هتبقي ست زيك ربنا يوريك ف الدنيا كل القسۏة ال وريتها