حواديت نيرة

سوية زي الناس حتي ال اتخطبت له عايرني بيهم و قالي اني فاشلة و ميشرفوش حد زيي!!
انا عملت ايه ل ده كله 
_اهدي يا حبيبتي حقك عليا انا كل دول ولا ليهم لازمة جنبك ده انتي ست الناس بمية راجل بتكافحي و عايزة تبقي حاجه الفاشل عمره ما بيحاول ياموج انتي بتحاولي و بتنجح طب شوفتي شعري اكتر دليل علي شطارتك ان شعري مكملش ٨ شهور و طلع كله
هو بعد عنك عشان شاف نفسه قليل جنبك 
انتي تستاهلي راجل مش ست مفيش راجل بيغير من نجاح الست ال بيحبها و ده محبش !
وانتي لما مشي عملتي ايه اثبتي لنفسك ان العكاز لما اتكسر اكتشفتي انك بتقدري تمشي ! ولازم تفضلي تحاولي وانا ف ضهرك

عارف انك مش هتعرفي تأمني لحد بعد ال شوفتيه بس انا معاكي مش هسيبك زيهم 

كان كل ما يتكلم كلمتين احس انه بيحط بايده قطعه تلج علي كل ڼار كانت قايدة ف قلبي
_هديتي شوية
اخدت نفس اه
_معايا 
معاك
كل يوم كنا بنقرب اكتر واكتر كل يوم بيثبتلي انه افضل صاحب انا عرفته ف حياتي وانه راجل بمعني راجل سند الحاجه الوحيده ال مش فاهمها فيا انا اني ليه بتضايق لما بلاقي بنات كتير بتقوله انه حلو و شكله حلو و يسلام لو منزل صورة مقرب فيها وشه و ملامحه او فيديو له و أصحابه و بيضحكوا بيسيبوا كله و يركزوا معاه بيبقوا ناقص يطلعوا من ورا الكاميرا يبوسوه! كتكم قرف عيال ملزقة! اشمعنا هو ما الرجالة كتير
الغريبة ان مختار قصدي بحر عمره ما جاب سيرة طليقته لا معايا ولا مع الناس غير لما أعلن انفصالهم و الاغرب ان طليقته دي مش مبطلة تلقيح عليه بشكل مش مباشر!
جه اليوم المنتظر اللحظة ال شعره طول فيها خالص اللهم بارك و عملي كذا استوري بيتكلم عن حلاوة المنتج بتاعي و نزلي بوست خلاه في الفيفورت يعني اي حد يدخل عنده يشوفه !!
_مختار انا مش ملاحقة علي الاوردرات !! حاسة اني ھموت من الفرحه بجد
بعد الشړ عنك انا عايزك دايما مبسوطة كده يا موج متزعليش ولا تشيلي هم طول ما انا موجود ابدا
_انت قلبك نضيف اوي يا بحر ربنا يزيدك علي قد ما بتفرحني
ربنا هيديني و يزيدني طول ما انتي موجودة معايا
من بعدها مكنتش ملحقة علي الاوردارات ال جاتلي كنت مبسوطة اوي بشغلي و ان تعبي مرحش هدر البيدج بتاعتي من بعد ما كانت الفين متابع بقت ١٢٥ الف!
كبرت و شغلي اتعرف و بقا اغلب البلوجرز و اليوتيوبر بيتكلموا عني و عن المنتج بحر كان مبسوط بيا اوي
بقيت احسه انه عبارة عن كتلة حنية متحركه بتتوزع علي حياتي تبوس كل چرح اتزرع ف قلبي
ال متأكده منه كمان انه مش بس بقا شايفني بيست فريند انا وصلت لمكانه تانية
_هي دي بقا كل تفاصيل يومي النهاردة وانت و كنت فين طول اليوم
عندي ليكي خبر حلو اوي 
_عرفني بسرعه ولا استني هرن فيديو
بصيتله وانا بضحك _ ها قولي بسرعه
قام وقف و حطلي كارت كده
فرحت اوي اوي _احلف! بجد!
ضحك اوي عملت المشروع ال كان نفسي فيه
بدأت ازغرط بصوت واطي عشان كنا قبل الفجر
_فرحانه ليك اوي بجد كأني انا
طب فين حلاوة نجاحي
_انت تؤمر والله
عايز اشوفك و اكل من ايدك كيك بالشوكلت و مش عايز رفض اول مرة اطلب منك كده
_فرح سها قرب و وعد هنتقابل و نتكلم ايه