رواية جديدة كاملة🔝

ف بينا قاعدات تانيه مع بعض 
الحاجه فاطمه وهي تبتسم وتؤمي لها براسها 
ان شاء الله 
وجه مراد نظره الي ملك المنصته لهم وحدثها بهدوء 
عايزه حاجه مني ي ملك 
ملك رافعه راسها له 
وتبتسم له 
شكرا 
ابتسم لها مراد ثم اشاح بوجهه لصديقه معتز 
يلا بينا ي معتز 
معتز وهو يؤمي له بالموافقه 

يلا 
ثم تحرك كلاهما الي خارج الغرفه متجهين الي حيث الباب قامت الحاجه فاطمه وملك وساره بتوديعهم بترحاب شديد إلا أن اختفوا فقامت الحاجه فاطمه بغلق الباب ناظره لملك وساره 
الحمدلله اليوم عدي ع خير ثم وجهت حديثها لملك 
عايزين ننزل من بكره ي ملك نبدا نجيب الحاجات اللي ناقصكي 
ملك بهدوء 
ماشي ي خالتي زي ما تحبي 
ساره وهي تحدث ملك 
وانتي ي ملك مش عايزكي تقلقي بخصوص

المحاضرات انا هحضر وهكتب المحاضرات ليا واصورها ليكي عشان متفوتكيش حاجه 
ملك بابتسامه شاكره لصديقتها 
شكرا ي ساره ربنا يخليكي ليا 
ساره بنبره مونبه 
عيب ي ملك مفيش بينا الكلام دا 
انا هستاذن بقا ي خالتي عشان متأخرش ع البيت
الحاجه فاطمه 
متخليكي ي بنتي وباتي وامشي بكره 
ساره بنبره معتذره 
معلش ي خالتي خليها مره تانيه كمان عشان الحق احضر لحاجات الجامعه 
ملك 
ماشي ي حبيبتي زي ما تحبي 
خطت ساره باتجاه الباب وقامت بتوديع الحاجه فاطمه وملك واغلقت الباب خلفها 
نظرت الحاجه الي ملك التي ع محياها ابتسامه مشرقه و سألتها متوجسه 
ارتاحتيلوا ي ملك 
ملك وقد توترت من سؤال خالتها 
لحظت الحاجه فاطمه ارتباك ابنه اختها فحدثتها مطمئنه 
انا بس بسألك ي بنتي عشان مش عايزكي تكوني مجبوره ع حاجه 
ملك وهي تنفي لها 
لا ي خالتي مش مجبوره ع حاجه انا مرتاحه 
ارتاحت الحاجه فاطمه من اجابه ملك فابتسمت لها وقامت وهتفت بسعاده 
ربنا يريح بالك ويسعدك ي ملك ويكملك ع خير ي حبيبتي 
 ملك بشده وع محياها ابتسامه مشرقه 
ارجعت الحاجه فاطمه نفسها للخلف وحدثتها بهدوء 
يلا روحي اوضتك ونامي بدري عشان نجهز بكره و ننزل بدري 
اومات ملك لها وتحركت ناحيه غرفتها 
توالت الايام التاليه ع ملك وخالتها فاطمه ف شراء كافه المشتريات الناقصه لها فلم يفوته يوم والا نزلا لشراء الكثير والكثير من الاشياء حيث أن والد ملك الراحل حينما وصل لسن التقاعد واخذ مكافئته تركها لملك ف احد البنوك حتي يأتي يوم زفافها واخذهم 
مر بها الأسبوعين كما لو كان يوم بالنسبه لها ف حمي الشراء التي أصابت خالتها فقد أصرت ع تجهيزها بكل ما قد تحتاج إليه لا يكاد يمر يوما الا وقد قاموا فيه بالذهاب الي التسويق عائدين محاملين بالكثير
وقامت ساره بالحضور الي جامعتها وكتابه المحاضرات لها وملك حتي لا يفوتها شئ وتقوم بمذاكرتها ف حين لم يروا مراد نهائيا خلال تلك الأسبوعين وكان تواصلهم مع معتز الذي كان يحدثهم ويخبرهم المعلومات عن تفاصيل الذفاف..
ف صباح يوم الذفاف تجهزت ملك واستعدت بانتظار السياره الخاصه التي سيرسلها لها مراد لكي تقيلها الي الفندق الذي سيقام فيه العرس حيث يوجد غرف بيه خاصه للتجهيزات العريس والعروس قامت ملك بتجهيز كافه الاشياء الخاصه بيها ف انتظار سياره مراد
بعد فتره
وصل معتز الي الحاره الشعبيه وصف سيارته وصعد الي الدرج الي حيث المنزل ف حين راقبت السياره الخاصه بمراد فجرت مسرعه ناحيه ملك تخبرهم بوصلوهم اتجهت الحاجه فاطمه الي الباب تقوم بفتحه فوجدت معتز أمامها
اهلا بيك ي استاذ معتز تعال اتفضل
معتز بنبره معتذره
معلش ي حاجه فاطمه اعذروني بس لازم نتحرك دلوقت عشان نكسب وقت
الحاجه فاطمه متفهمه له
حاضر ي ابني زي ما تحب واحنا خلاص جهزنا كل حاجه
معتز بابتسامه
طب كويس جدا اتفضلوا انتوا ي حاجه ع تحت وانا هقول للحرس يطلع ياخد الشنط
أومات له الحاجه فاطمه وملك فاسرعت ساره باتجاههم حيث كانت مختفيه خلف ملك بضبط الشنط خرجت الحاجه فاطمه يليها ملك من باب الشقه يليهم ساره التي ما انخطتت خطوه حتي وجدت معتز أمامها يكاد يصتدموا ببعضهم
توتر كلا منهم ولكن سرعت ساره الي الخارج تجري وراء ملك وخالتها
نظر معتز ف اثرها وهتف
اها ي مجنونه ثم اتجه هو الاخر لاسفل لكي يخبر الحرس بأن يأتوا لأخذ الشنط
صعدت كلا من ملك وخالتها وساره ال السياره ولكنهم لم يروا مراد استغربت ملك من عدم مجيئوه لاخذها فانها لم ترها منذ اسبوعين حيث اخبرهم معتز بأنه سافر خارج مصر لأجل عقد صفقه جديده. ولكنه لا تعلم هل مازال خارج البلاد ام عاد قطع شرودها صوت خالتها وهي تهتف بانبهار
شوفوا ي بنات حلاوه العربيه وبراحها اخيرا هنشوف ايام عز وهنا
ساره وهي توافق خالتها ع رأيها
عندك حق ي خالتي العربيه تشرح النفس فعلا
ابتسمت ملك ابتسامه مجامله ولم تعقب عليهم وظل ذهنها شارد الي ان دلف لهم معتز بداخل السياره فاردات ان تسأله عن مكان مراد وكانه قرأ أفكارها فهتف لهم
معلش مراد معرفش يجي معايا لان وراه حبه حاجات بسيطه وعقبال ما احنا نوصل الفندق هيكون موجود..
الحاجه فاطمه وهي تهتف بيه متفهمه الحاله
اها تمام ي ابني احنا مقدرين 
تطمانت ملك من حديث معتز فنظرت الي زجاج السياره واسندت راسها عليها
بعد فتره
وصل معتز الي الفندق الذي سيقام فيه العرس ترجلت ملك وساره والحاجات فاطمه من السياره
نظرت ساره حولها بانبهار حيث أنها لم تتوقع أن يكون هذا الفندق بكل هذا الجمال والرقي والفخامه العاليه لم يختلف حال الحاجه فاطمه وملك كثيرا حيث انهم كانوا مبهورين بيه حقا
تقدم معتز منهم
تعالي اتفضلوا وانا هوديكم ع الجناح الخاص بيكم
تفهمت له ملك وخطوا خلفه متجهين الي داخل الفندق 
اوصلهم معتز الي حيث الجناح الخاص بيهم حيث تنتظرهم مصممه الفستان والفريق الخاص بتجهيز ملك من تحضيرات التجميل 
دخلت ملك الي الجناح الخاص بيها وجدت فستان تحفه ف الجمال حيث كان صدره مليئ بالفصوص الفضيه

وذراعان من الدانتيل ويضيق من ع الخصر وينزل من تحت الخصر بوسع وطبقات الشيفون الفوق بعضها وعليه بعض الفصوص ويوجد للفستان ذيل طويل مما جعل ملك تشهق من شده جماله وكذلك خالتها وصديقتها ساره من شده روعته فهتف ساره لها بحماس 
الفستان تحفه تحفه ايه دا يجنن خرافه يعني وهيبقي عليكي اجمل واجمل ي ملوكه 
ابتسمت لها ملك ابتسامه واسعه 
عقبال ما افرحلك ي ساره يارب واشوفك عروسه مجنونه كده
ضحكت ساره ع مزاح صديقتها ورفعت يديها وتهتف
امين يارب 
قامت السيده المسئوله عن تجهيز ملك وهتفت لها باحترام 
ممكن استاذه ملك تتفضلي معانا عشان نجهز حضرتك 
نظرت لها ملك وتفهمت عليها 
تمام ماشي 
ثم خطت بجواره واختفوا ف الداخل 
ف الجناح الاخر الخاص بمراد 
حدث معتز مراد بضيق بائن ف نبره صوته 
ي ابني ما تقوم تتزفت تجهز هو ف ايه مش كفايه عماله اديها حجج واعذار وابررلها سبب اختفاءك وكمان مش راضي تكمل اليوم دا ع خير 
لم يجب عليه مراد ومازال ع حالته البارده 
سئم معتز وطفح بيه الكيل 
خلاص اعمل اللي تعمله انا مش مدخل ف حاجه تانيه بعد كده ولا هقولها أعذار تانيه 
مراد وقد نهض من ع كرسيه بعصبيه 
ف ايه ي معتز مالك ايه مش حاسس باللي انا فيه انا مش طايق اشوفها ولا اسمع صوتها حتي ايه مش من حقي اني مشوفش خلقتها مانا هدبس وهتبقي ف وشي