رواية مكتملة بقلم اية محمد

هو اللي كان خاطڤها.. و هربت منه.. أختك كانت هربانه من ابويا مش هربانه مع حد.. 
أول م انا جيت الشركة أنا شوفت صورتها في محفظتك و لما اتأكدت أنك أختها و عرفت كمان انه الناس قالت أنها هربت و ان سمعتك اتبهدلت وعريسك سابك و والدك تعب.. 
انا حسيت ان أبويا او حتي أنا كل دا بسببي ف كان كل همي ازاي اقدر أعوضك.. 

كنت عاوز ألاقيلك الشخص اللي يعوضك عن كل دا لحد م قررت أني اتقدملك.. 
بس والله ي فرح انا يوم م حطيت إيدي في ايد المأذون عشان ينكتب كتابنا انا كنت بحبك.. 
لما قولتلك أن خطيبتي اسمها زينة عبد الله و ماټت و مش هي نفسها اللي كان مشتبه بيها مع فرح كنت.. كنت بكذب.. 
فرح كانت واقفه ومش مصدقة.. كل كلمه بتسمعها كانت حاسه أنها كان بيتضحك عليها فيها..
فرح يعني أنت كنت مخليني مفكراك شخص مثالي.. واحد مفيش منك و انت اصلا كنت بتصلح في غلطات ابوك و بتداري عليها!!
قاسم والله العظيم أبدا أنا مكنتش بحاول أبقي شخص مثالي.. و ابويا انا مكنتش بداري عليه.. أنا كنت مستني الدليل ضده.. و كنت مستني الاقي غرام اللي بقالي سنين بدور عليها..
فرح و اي الدليل اللي أنت جبته!
قاسم تسجيلات.. تسجيلات بكل جرايمه و بكل حاجه عملها في زينة و في غرام.. و أنا خلاص هقدمها لزياد.. 
فرح انا كنت بمۏت و أنا بعمل كدا.. بس انا مقدرتش معملش كدا..احساسي بالذنب كان هيموتني العمر كله.. 
حق زينة اللي ماټت من غير سبب و غرام واللي حصل معاها.. و فارس و ابوكي و حتي انتي مسلمتيش.. 
بس انا كمان محدش فكر فيا.. 
في يوم وليلة بقيت اب لأخواتي و كنت بحامي عليهم زي المچنون.. 
فرح ولسه بټموت عليها...
قاسم وشها ب إيديه..
قاسم بحلفلك باللي خلقني و خلقك أنك أخدتي قلبي و عقلي و تفكيري.. و الله ي فرح أنا بحبك بشكل عمري م اتخيلت اني ممكن أحبه لحد... 
يمكن هي لما ماټت انا تعبت بس أنتي لو مجرد بعدتي عني أو اتأذيتي انا ممكن أتجنن..
فرح بدموع بس أنت كدبت عليا.. و دي أختي اللي اټأذت منكم.. 
قاسم سيبني معاها فترة لحد م هي تعرف الحقيقي..
قاسم اللي أنتي شايفاه مناسب أعمليه.. بس قبل م تحكمي عليا تحطي نفسك مكاني و تفكري كويس..
فرح بعدت عنه خطوة و سكتت دقيقه و بعدين ردت عليه...
فرح أنا عارفه انك مظلوم بس فكرة أنك كدبت عليا صعبه.. أديني وقتي ي قاسم..
قاسم بس خليكي فاكره أني بحبك ي فرح...
قاسم قرب من فرح  بعدين هي سابته ورجعت تاني عند غرام اللي كانت لسه مغمي عليها.. 
دخلت الأوضة و كان فارس لسه فيها مش راضي يخرج و الأمر كان مريب لأنه شخص غريب...
فرح فارس أخرج و أنا هطمنك عليها...
فارس مش همشي الا لما أقولها اني مليش ذنب..
فرح أرجوك متعقدش الموضوع أكتر من كدا.. ان شاء الله كل حاجه هتتحل..دلوقتي أهم حاجة أننا لقيناها و كمان أنت رجعت تتكلم..
فارس أتكلمت لما شوفتها معرفش ازاي دا حصل.. فرح صدقيني انا عمري م تخيلت مجرد. خيال أني أذيها.. صدقيني انا مش مچرم..
فرح عارفه.. عشان خاطري ارجوك تخرج دلوقتي قاسم برا..
قاسم خرج برا لفارس و فضلت فرح مع غرام في وجود دعاء و ياسر...
فرح ياسر أعتقد أن كتب الكتاب لازم يتأجل..
ياسر حاضر هعمل كدا.
فرح ياسر هو أنت كنت عارف!
ياسر ايوا بس مكنتش أعرف ان فارس هو اللي ورا كل دا..هي لما حكتلي و أنا صدقتها مقالتليش أسامي و حتي أنا مكنتش أعرف غير ان أسمها غرام ومكنتش عارف انها اختك..هي قالتلي اللي أنا محتاج أعرفه و بس..
فرح بس انا مش فاهمه ازاي الناس هنا كانوا مصدقين انها زينة..
ياسر زينة بنت عمي عبد الله مكانتش عايشه هنا ي فرح هو من كام سنه جابها تعيش هنا وقال دي زينة بنتي و ان والدتها اټوفت و هتعيش معاه.. لانه كان مطلق مراته..
فرح تمام ي ي ياسر.. ان شاء الله كل حاجه هتتحل..
ياسر إن شاء الله.. يلا ي دعاء..
ياسر خرج و معاه أخته و أعتذر من الناس و قالهم أن كتب الكتاب هيتأجل و عبد الله واقف معاه و هو قلقان من فارس...
فارس ازاي حضرتك..
عبد الله إنتوا لسه هنا! م تمشوا بقي..
قاسم ي عمي أنا هسمعك بنفسي... الحقيقة كلها..
فلاش باك...
غرام رجعت لبيتها و شافت قدام بيتها فرح و عمتها و معاهم الجيران بيطلعوا ابوها لبيته و هو عاجر مش قادر يقف لحد م سمعت كلام الناس..
جار 1 بيقولوا بنته الكبيرة هربت مع واحد و الراجل لما سمع الخبر وقع من طوله وبيقولوا اټشل..
جار 2 أومال لما يعرف أن بنته التانية جوازتها باظت..
غرام سمعت كلامهم و رجعت برجلها خطوات لورا و هي بتبعد عنهم... و يمكن دا كان أكتر قرار غلط اخدته..أنها قررت ترجع تجيب دليل برائتها.. لكن أول م رجعت لقت اتنين حراس سالم معاهم راجل كبير و بنت..
حارس 1 فارس و قاسم باشا لسه خارجين من هنا..
حارس 2و إنتم ضامنين منين انهم مش هيرجعوا!!
حارس 1 سالم باشا قال أنه هيتصرف..
زينة پخوف هو انتوا عاوزين مننا اي.. فكنا حرام عليك..
حارس 1 هششش اسكتي خلينا نخلص من الموال دا..
غرام مسكت طوبة كبيرة و خبطت بيها دماغ واحد من الحراس ف وقع علي الأرض و التاني ألتفت ليها وكان لسه هيضربها رمت في وشه تراب و شالت طوبة كمان رمته بيها وفكت ايد زينة بسرعة و خدتها هي و أبوها و جريت...
زينة هما مين وعاوزين اي!! و انتي مين
غرام اسمعي.. انا كنت مخطوفه زيي زيك.. الناس دي مؤذية أحنا لازم نهرب..
عبد الله هما فارس و قاسم عاوزين مننا اي!!
غرام مش عارفه.. مش عارفه..
زينة قاسم مستحيل يأذيني..
غرام انا سمعت اسم سالم..
عبد الله أكيد ابوه هو اللي عاوز يأذيكي عشان قاسم جه طلبك مني.. قولتلك احنا مش قد الناس دي..
زينة لدرجه يأذيني
غرام مفيش وقت للأسئلة