العشق على طريقه بقلم زينب سمير
انت في الصفحة 26 من 26 صفحات
كانت قد اختارت سلوبيت جينز باللون الاصفر واسع بعض الشى والبنطال الخاص بالسلوبيت يصل لقبل الكعب بسنتيمترات ليست قليلة
لتخرج وتقف أمام المرآة ليقول هو
فاضل تلت دقائق
لتمسك الفرشاة وتسرح شعرها سريعا وتربطه برباط خفيف وتنظر له قائلة
خلصت
بلال
تمام ظبطي فستانك اللي هتاخديه دا وانا مستنيكي تحت علشان نفطر
كان يجلس يشرب كوب القهوة ببطء شديد وفم شبة منفتح وهو يراها تأكل أمامه مر وقت ليس بقليل ابدا قبل أن تنهض وهي تقول
اعتقد كدا حلو علشان لو كلت كتير ممكن اتعب في العربية
خرج صوت بدهشة هاتفا
انتي كدا مكلتيش كتير
فريدة
اها يدوب فتحت نفسي
لينهض ويمسك اشياءه ويسبقها بسيره وهو يقول
فريدة ببرود
لا حاول تحافظ علي فلوسك لحد ما اولد يابلال لو أفلست مين هيصرف عليا
في احد مراكز التجميل
جلست الثلاث العرايس بجوار بعضهم كل منهم تمسكها فتاة بينما فريدة كانت تجلس علي مقعد أخري تنظر لهم وبيدها كيس من التسالي تأكله
فريدة
ريما
نعم
فريدة ببراءة مصطنعة
هما هنا هينقعوكوا في الميا زي الفاصوليا
اميرة بدهشة
فاصوليا انتي بتقولي أية
فريدة بهدوء وهي تضع قدم علي الاخري
اصل دا مش طبيعي انكم تكونوا هنا من الساعة تمانية الصبح يعني
دا انا يوم فرحي الميكب ارتيست جت قبل الفرح بساعة ومشت علطول زي ما يكون بلال مكهربها
احنا تلت عرايس يابنتي دا اولا ثانيا شوية وهتلقينا جايين نقعد جنبك ومش هنقوم نكمل غير علي العصر كدا
فريدة
اذا كان كدا ماشي
ثم نظرت لهم جميعا وتابعت
بس برضوا الناس هتفكر انكم منقعوين زي الفاصوليا
نظروا لها بغيظ لتضحك هي بمرح ولم تتحدث
لتقول ريما
بس ازاي حياتك هادية كدا واللي ظاهر قدامي انك حبيتي بلال هو مش كان في مشاكل بينكم
كانت مشاكل عادية انا كبرتها يمكن
اميرة بعدم فهم
مش فاهمة
فريدة وهي تنظر لهم
بصوا كان في حاجات كتير لو كنت انا متعاملتش معاها كفريدة بشخصيتي العنادية دي كانت هتتحل من زمان وفي حاجات لو مكنتش اتعاملت معاها بعياط برضوا كانت اتحلت احنا كنا متعاكسين كل واحد فينا كان منتظر من التاني رد فعل في الموقف بس كالعادة التاني عمل رد فعل غير متوقع علشان كدا الغلط مكنش علي بلال بس
علي فكره انتي لو لسة مش عايزاه ممكن تطلبي الطلاق
فريدة بضحكة
لا خلاص احنا معتقدش اننا نوصل لمرحلة الطلاق دي ابدا
ثم أكملت بهمس
دا ياكلني حيه
علي اتصال هاتفي بين بلال فريدة
فريدة
بلال انت هتيجي الفرح أمتي
أجابها بهدوء
هاجي اخدك مع العرسان مش هخليكي اكيد تركبي مع اي حد وخلاص
فريدة بتردد
لو مشغول عادي انا ممكن اركب مع مجد
بلال بعصبية ظهرت فورا في صوته
مجد مين مجد دا وتعرفيه منين وهتركبي معاه لية اصلا
قالت الاخري سريعا
اششش اية دا كله دا مجد دا ابن خالتو التالتة ياعم اصغر مني بسنتين اصلا
بلال
ولو بصي انا جايلك دلوقتي
فريدة بزهول
لا متجيش هتيجي تعمل اية الساعة لسة موصلتش ستة
بلال
بطلي ذكاء انا هروح اجهز من دلوقتي اقصد
بس اول ما اخلص هجي
فريدة بتحذير
انا مش هامشي من الكوافير الا معاهم
بلال
غيري نبرة صوتك دي بقي ياحلوة علشان مقلبش الفرح عليكي
تأففت وهي تقول
اوووف عليك اوووف بص سلام انا هروح البس ارحم
بلال
هو في عمال رجاله هناك
تصنعت التذكر وهي تتحدث قائلة
مش عارفه اعتقد مشفتش حد
بلال
طيب تتاكدي أن مفيش كاميرات مراقبة
فريدة
وانا اتاكد ازاي دلوقتي
بلال
اتاكدي واسكتي يافريدة يلا سلام دلوقتي
نظرت للهاتف بدهشة من عصبيته تلك ولكن أخفت دهشتها سريعا وهي تقول
سلام
عند العرسان
كانوا متجمعين في منزل امير الذي يوجد مقابلا لمنزل عبد الرحمن
كان امير يرتدي بدلة سوداء بقميص ابيض ناصع وكرافته حمراء وحذاء اسود لامع
وكان عبد الرحمن يرتدي بدلة رمادية بقميص اسود وبيبيون رمادي وحذاء اسود لامع
وكان معتز يرتدي بدلة كحلي بقميص ابيض وحذاء اسود لامع
كانوا في اعلي درجة من وسامتهم
هتف معتز وهو ينظر لكلاهم
ولا انت وهو أية الجمال دا ياولا
ضحك عبد الرحمن وهو يقول
هنخطف الأنظار
امير بفخر
الناس هتسيب العرايس وتبصلنا
معتز وهو ينظر لساعته
طيب أية رأيكم نمشي دلوقتي ولا
عبد الرحمن
اها أميرة قالتلي انهم جاهزين اصلا
امير
طيب يلا
وهبطت الثلاثة للاسفل ليقود كل منهم سيارته متجها نحو ذلك المركز التجميلي وخلفهم عديد قليل من السيارات
غير السيارات التي سبقتهم الي هناك
في الكوافير
هتفت ريما بصړاخ
يابنتي اهدي بقي وبطلي طفح من ساعة ما جيتي وانتي بتاكلي مفروض حضرتك تساعدنا تهدينا تعملي اي حاجة لكن انتي بسم الله ما شاء الله نازلة دش دش
فريدة وهي تخمس أمام أعينها
خمسة في عينك خمسة في عينك انتي مالك انتي ياباردة هو انا باكل من جيبك
اميرة
ينفع تسكتوا دلوقتي العرسان خلاص جايه وانا متوترة اوي
ميرا
وانا كمان
فريدة بضيق
بصوا بلال اللي قالي هجي ونروح ومليش دعوة لو كانوا لسة موصلوش نسيت أن البية لازم يظهر ملك زمانه ومعاه اربع ساعات علشان يجهز
فاقت من شرودها علي صوت أميرة التي قالت
حلو الفستان ولا لا يابنات
ميرا بضحك
انتي مش واخدة بالك اننا نفس التفصيلة
فريدة
بس رغم كدا كل واحدة فيكم ليها جاذبية خاصة في الفستان بتاعها
كانوا يرتدون فستان بحالات رفيعة وسادة حتي الخصر ثم ينظر باتساع كبير وله ذيل كبير أيضا بينما عند منطقة الخصر تجمعت مجموعة من اللألئ لتشكل شكل حزام ومن بعدها تناسقت تلك اللألئ أيضا علي باقي قماش الفستان من الاسفل بشكل ساحر بينما من الأعلي فكان من قماش الدانتيل المنقوش ببعض الفتوحات ولكن يوجد طبقة أخري اسفله ولكن سادة من اي اشكال أو اكسسوارات
بينما ارتدت فريدة فستان نبيتي ذراعيه من الدانتيل الشفاف وظهره مغلق ومن الإمام كان مغلق أيضا وكان ضيق بعض الشئ لكن لا يفصل جسدها حتي بعد الركبة ومن بعدها يوجد فنش كبير فكان كذيل سمكه وصففت شعرها علي شكل تسريحة بسيطة لتضع بين خصلاتها تاج لامع جعلها كعروسة البحر
فكانت رغم بساطتها الشديدة بثيابها رائعة الجمال حتي فاقت العرائس جمالا ولا أحد يستطيع إنكار ذلك
ميرا
وصلوا صوت العربيات برة اهو انا مش عايزة اطلع يابنات
ريما
ولا انا مكسوفة اطلع قدام الناس كدا
فريدة
بطلوا جبن بقي واطلعوا يلا ياهانم انتي وهي وهي
هتف الثلاثة معا قائلين
هما يجوا ياخدونا
لم ينتهوا من كلماتهم ودخل الثلاث عرسان معا
لتنسحب هي قبل أن يراها احد وتتجه لغرفة أخري
بينما وقف كل منهم أمام عروسته
ليخرج صوت عبد الرحمن قائلا
جمالك ساحر يااميرتي
وهتف امير لريما
مكنتش عارف اني متجوز واحدة قمر للدرجة دي
وقال معتز لميرا
انتظرت اليوم دا من سنين كتير
لتقول فريدة بصوت عالي من الغرفة الاخري
متتسحروش قوي كدا وتصدقوا الموضوع دا كله سيليكون وبكرة هتتفاجئوا بعنتر قدامكم
ليضحك الجميع علي كلماتها ثم يستعدوا للذهاب
اميرة
يلا يافريدة علشان هنطلع
فريدة
لحظة بس في اخر قطعتين بيتزا هنا هكولهم واحصلكم اسبقوني انتوا
امير
لا نستناكي
فريدة
يا امير الحق الفرح بس انا اصلا خاېفة القطعتين دول يخلوني افتح العلبة التانية فسبقوني انتوا وكمان انا مش هينفع اطلع قبل ما بلال يوصل اصلا
اؤما الجميع بتفهم وقال معتز
تمام احنا عقبال ما نظبط الدنيا برة تكوني خلصتي ويكون هو وصل
فريدة
اوك مبرووووك ياعيال
هتف الجميع معا
عيال في عينك شوفي نفسك يافريدة الأول
أمام المركز التجميلي
بعد مرور نصف ساعة كان قد استعد الجميع للمغادرة وقبل أن يتوجه معتز للداخل لياتي بفريدة لتذهب معهم جائت سيارة بسرعة عالية حتي وقفت أمام كل تلك السيارت كانت سيارة بلال وهو من يقودها ليخرج منها وكما قالت فريدة ربما قد حرص لأن يكون ملك زمانه أو هو اساسا ملك زمانه دون فعل أي شئ هبط بطلته الساحرة وجاذبيته المعهودة حيث كان يرتدي بنطال من الجينز الاسود وقميص اسود أيضا وجاكيث بدلة نبيتي وضعه علي كتفه من الخلف ومسكه بأحد اصابعه وترك اول ثلاثة أزرار مفتوحين وصفف شعره للخلف بعناية كبيرة ورائحة عطره كانت تملي المكان
تقدم من معتز محتضنا إياه ليقول الاخري
كويس انك جيت الحق مراتك بقي قبل ما ټنفجر من الاكل
ضحك وهو يقول
طيب استني اقولك مبروك حتي
معتز
الله يبارك فيك روحلها ياعم الواحد خاېف يحصلها حاجة من الاكل دا
بلال ضاحكا
لا متخفيش دا حالها من ساعة ما بقيت حامل
ثم تركه وسلم علي الباقي وبارك لهم سريعا
قبل أن يدخل لها بعد أن اشار لهم أن يسبقوه
دخل ليجدها تجلس هادئة ولكن علي غير العادة لا تمسك اي طعام بيدها
قال بمزاح وهو يتوجه نحوها
ظلموكي ياريدا الكل فاكر انك قربتي ټنفجري من الاكل
هتفت بضيق
وانت طبعا صدقت اني مفجوعة
بلال
وانا اقدر اصدق برضوا حاجة زي دي عنك
كان قد وصل لها لتقف هي وتنظر له بوجهها حيث كانت من قبل تعطيه ظهرها
ليقف هو أمامها لثواني مزهولا من جمالها هذا وشكلها الساحر
بينما قالت هي بقلق
بلال انت كويس
بلال
خالص انا مش كويس خالص
هتفت بقلق قائلة
مالك في حاجة تعباك
بلال
انتي تعباني
كالعادة مميزة ياريدا
في وسط الحفل بينما كانت فريدة وبلال يجلسون علي طاولة منعزلة
اقترب منهم أحدهم حتي وقف أمام بلال تماما ليقول ببسمة
اخبارك أية يابلال
لتنتبه فريدة للصوت وتنظر له پصدمة كبري قبل أن تقول بهمس
القائد
نظر لها ذلك الشخص وابتسم لها ابتسامة واسعة ليقول بلال
اعرفك يافريدة الباشمهندس معاذ بيشتغل معايا في الشركة ويبقي صديق معتز وصديق ليا كمان
قالت ببسمة متوترة
اها اهلا اهلا ياباشمهندس معاذ
ليقول هو ببسمة وهو يشير لرانيا بجواره
اهلا مدام فريدة اعرفكم رانيا صدقي خطيبتي
ضحك بلال وهو يقول
اخيرا
نظروا له بتعجب ليقول هو
حبكم كان ظاهر اوي بس للاسف كنتوا أغبيه
لتنظر رانيا للاسفل بخجل بينما قالت فريدة
بلال الله متكسفهمش مبروك ياانسة رانيا
ردت الاخري ببسمة خجلة
الله يبارك فيكي يافريدة هانم
فريدة بضيق
لا هانم أية بس سيبك من الرسميات الغريبة دي اتفضوا اقعدوا معانا بقي
ليجلس معاذ بجوار بلال ومن جواره رانيا ويبدأ هو الحديث معه وكذلك رانيا مع فريدة
لتضع رانيا يدها علي رأسها فجأة وهي تقول
اوبس نسينا اختي بره
ضحكت فريدة عاليا وهي تقول
استني اخلي فارس يجيبها
ثم أشارت له
ليقترب فارس منها لتقول له أن يأتي بتلك الفتاة وتقول له رانيا ما لون فستانها
ليخرج فارس وهو يتأفف من شقيقته وأفعالها تلك
بالخارج
كانت تقف وتنظر للامام بضيق وهي تحاول أن تتصل بشقيقتها لكن الاخري لم ترد لتجد من يقول من خلفها
ياانسة
لتلتفت تجده أمامها ينظر لها بدهشة بادلته إياها ليقول
سما
سما
اها انا عايز حاجة
فارس بغيظ
هعوز أية يعني انا بس كنت هوصلك لاختك
سما باحراج
اها طيب يلا
ليذهب وهي خلفه حتي وصلوا بالقرب من الطاولة ليهمس بجوار اذنها قائلا
متنسيش التحدي
ثم يتركها لتكمل طريقها وفي طريقه للعودة حيث أصدقائه وجد بلال ينظر له ويغمز له بعبث وبسمة شقية علي شفتيه
ليضع يده علي رأسه من الخلف باحراج ويبتسم أيضا ويذهب
ليجد بلال من تقترب من اذنه قائلة
بتضحك لمين
لينظر لها
ويقول بخبث
لبنت مقولكيش عليها ياريدا قمر
تحولت نظراتها من الفضول للشراسة والغيرة وهي تقول
ق أية يااخويا قوم يابلال يلا احنا لازم نمشي
ضحك عاليا وهو يقول
بطلي جنون ياريدا واقعدي ياماما هي دي بنات برضوا
حد يبقي معاه فريدة عز الدين ويبص لاي حد تاني
رمقته بضيق شديد ليتابع
يعني بزمتك البنت اللي بفستان بينك
دي هيعجبني مثلا لون شعرها البني دا ولا البنت اللي بفستان ذهبي دي هيعجبني جزمتها السودا دي والبنت اللي بفستان احمر دي وورود اسود بزمتك هيعجبني العقد بتاعها والبنت ال
هتفت بصړاخ قائلة
بس أية دا انت شفت دا كله امتي
ثم قالت بغيره عمياء
وفي الاخري بتقولي قال هي دي بنات
بلال
فعلا دي مش بنات انا شفتهم كلهم ولا عجبني الشعر البني دا ولا الجزمة ولا العقد ببص بس علشان اتاكد وأكد للكل أن مفيش منك
كانت عصبيتها وصلت لاعلي درجة لتقول ببسمة خبيثة
وانا زيك بالظبط يابيبي
نظر لها وهو يضيق عيونه قائلا
تقصدي أية
فريدة بلامبالاة مصطنعة
اقصد أن الشاب اللي لابس قميص نبيتي دا معجبنيش قصه شعره والولد اللي لابس جينز دا جزمته مش حلوه خالص واللي لابس بدلة بيدج الكرافته بتاعته رخمة
امسكها من يدها بقوة وهو يهمس بصوت خطېر
انتي مدركة للكلام الاهبل اللي بتقوليه دا
فريدة بتكبر
مش انت كنت مدرك للكلام اللي قولته برضوا
بلال
انتي عارفة اني بضحك عليكي وإني مبصيتش لحد اصلا
فريدة
وانت عارف اني معملتش كدا برضوا وبص حواليك مش هتلاقي حد بالمواصفات اللي قولتها دي
ترك ذراعيها وقال بغيظ شديد
بتعصبيني ليه طيب
فريدة بضحك
زي ما عصبتني
نظر له ثم نظر للامام بضيق وغيظ منها
لتقول هي
بلال لو سمحت روح هاتلي اكل من البوفية
بلال دون أن ينظر لها
ما تروحي انتي
فريدة
تمام بس لو اتحشرت في الزحمة دي مليش دخل بقي لو ابنك اتأذي ولا حد لمسني كدا ولا كدا
وضع يده علي وجهه بعصبية وحركها عدة مرات قبل أن يرفع يده ليشير لاحدهم وقبل أن يشير هتفت هي
قوم انت تجبلي انا متجوزاك انت ولا هما
بلال بتحذير
فريدة
قالت بضيق وحزن
لو مجلتش انت مش هاكل
ليتنهد بصوت عالي ثم يقف
ليقول معاذ بدهشة
اي دا بلال راح فين
نظرت له وقالت بخبث
راح يجيبلي اكل من البوفية ياسيادة القائد
رانيا پصدمة
قولتي أية بلال بية
ابتسمت وهي تحرك حاجبيها قائلة
اية رأيك ست مصرية أصيلة انا صح
بنفس ذات الوقت عند العرسان
عند ريما وامير
كانت تجلس بجواره تنظر لكل شى حولها بغيظ
لينظر لها امير ويقول بتعجب
مالك يابنتي مش طايقة حد كدا
ريما بضيق
الكل واخد راحته في الفرح وانا قاعده هنا زي المزنبين دا حتي مش راضيين يجيبوا لينا اكل
ضحك وهو يقول
انتي جعانة
ريما
من الصبح مكلتش فريدة اكلت كل الاكل اللي هناك
ضحك وهو يقول
هيجيبوا كمان شوية شكل فريدة هتتسبب في مجاعة
ريما
دي هتخلينا ندخل في موسم قحط
عند عبد الرحمن وأميرة
تأففت وهي تقول
مقربناش نمشي بقي انا زهقت وعايزه انام
عبد الرحمن
يااميرة لسة الساعة موصلتش
ردت بضيق
طيب حتي يشربونا ماية الواحد عطشان اوي
عبد الرحمن ببسمة
ما هما شربوكي بيبسي من شوية ياروحي
اميرة
ياعم دا انا لسة ملمستهاش لقيتهم سحبوها وحطوا غيرها وقبل ما اشرب لقيتهم اخدوها برضوا
ضحك وهو يقول
خلاص لو شفت حد هخليه يجيبلك ماية
عند معتز وميرا
ميرا ببسمة
كنا مفروض نبقي قاعدين القاعدة دي من خمس سنين تقريبا
معتز
كنت خاېف منقعدهاش ابدا القاعدة دي ياميرا انا لسة مش مصدق نفسي انك قدامي وبفستانك الابيض
ابتسمت له بخجل شديد ثم قالت
متعرفش وتين فين صح
معتز
مع طنط فيروز وطنط سعاد فريدة قالت إنها هتاخدها عندها انهاردة
ميرا بقلق وخوف
اخاڤ تزعج بلال وكدا ياحبيبي
معتز
متقلقيش هو اصلا اللي قال دا اولا ثانيا انتي لسة متعرفيش بلال ياميرا
ميرا
بالعكس انا اكتر واحدة يمكن عرفته لكن اقصد أنه حاليا في فترة صفا مع مراته ف علشان الازعاج وكدا
معتز ببسمة
عودة لطاولة الشيطان وفريدته
جاء ووضع ما بيده علي الطاولة أمامه لتنظر للطعام وله وتقول بغيظ
انت جايب اكل ل قطة يابلال أية اللي انت جايبه دا دا ميكفيش عصفورة
نظرت لها رانيا پصدمة وهي تري كميات الطعام التي ليست قليلة بالمرة ليقول بلال ببسمة غيظ لرانيا وهو يري علامات الصدمة علي وجهها
معلش يارانيا اصل المدام حامل وشكلها حامل في فيل فالأكل دا مش بيكفيها
ثم نظر لفريدة وقال بضيق
دا اللي الطبق قدر يشيله ياحبيبتي
ردت سريعا قائلة
كنت جبت طبقين
بلال
ينفع تاكلي دلوقتي ولو بقيتي جعانة نبقي نتصرف
اخذت وضع الاستعداد لتأكل ثم نظرت له وقالت
اتصرف من دلوقتي بقي علشان انا متأكدة اني هبقي جعانة
لينظر للاعلي هو بغيظ وسط ضحكات من معاذ ورانيا
انتهي ذلك الفرح بسرور
انتهي بارتباط قلبين جمعتهم صدف واصبحوا في بيت واحد بدلا من كونهم في بناية واحدة
انتهي بقلب مازال يعشق فتاة لكن يحاول أن يعيش حياته مع أخري تستحق أن يحبها ولو قليلا
انتهي بقلبين لم يظنوا أن القدر سيجمعهم ذات يوم ابدا
في قصر الشيطان
دخلت فريدة وبيدها وتين التي كانت تنظر حولها بانبهار طفولي وفريدة تنظر لها ببسمة علي ملامحها تلك بينما بلال كان يسير خلفهم
حتي جلسوا في بهو القصر لتقول فريدة
ها ياتوتا تحبي تنامي لروحك ولا معانا ياقلبي
ليميل بلال عليها ويقول
معانا أية يافريدة احنا عندنا اشغال مهمة
نظرت له بضيق من جرائته تلك ثم للطفلة التي قالت
انا عايزه انام معاكي ياانطي ديدا
هتفت ببسمة
عيون ديدا تمام يلا بقي علشان نغير هدومك الحلوة دي
ثم وقفت وقبل أن تذهب عادت له لتقول بهمس بجوار اذنه
علشان تتعود يابيبي علي نوم ابنك جنبك بعدين
ليسحبها سريعا لتجلس بين أحضانه ويقول
تقصدي بنتي ياحلوة
فريدة بعناد
لا ابنك
بلال
بنت وهتشوفي يلا اطلعي مع وتين رغم اني كنت افضل اجرب معاكي نفس اللي العرسان بيعملوه دلوقتي
نظرت له پغضب وهي تتضربه علي كتفه وتذهب
ليضحك هو عليها بشدة
بعد مرور شهرين ونص
في مقر سري جديد المجموعة الفدائية
هتف القائد الأصغر معاذ
اهلا وسهلا بيكم مرة تانية طبعا كلنا دلوقتي حياتنا حصل فيها تغيرات في الكام شهر دول ومعظم التغيرات دي كانت غير متوقعة زي مثلا اللي حصل لفريدة او اللي حصلي لكن
علي كل حال دا مش هيكون حاجة توقفنا عن اللي هنعمله ابدا الا فريدة استبعدت عننا خالص بأمر من القائد الأكبر اتفضل ياسيادة القائد
لتلتفت أنظار الجميع لمكان خروجه واولها أنظار فريدة التي أتت بعد محاولات كثيرة مع بلال
لتعود بالزمن للخلف
صورها في المقر تلك الصور التي توجد عند بلال
معرفة بلال بوجودها في شركته من أجل الجهاز
حروف الرسالة المجهولة التي B Dعبارة عن
كان أمامها دوما ولم تعرفه
ذلك القائد الأكبر لم يكن سوي بلال عز الدين الشيطان رجل الأعمال الاول علي مستوي العالم العقيد في المخابرات المصرية كل هذا كان به هو زوجها
لا تدرك اتزوجت من شيطان عاشق ام من ضابط محب لا تدرك اتزوجت من فدائي زاهد ام من رجل اعمال احب
كانوا يتحدثون ويتحدثون وهي في عالم أخري
قبل أن تقول فجأة
انا دلوقتي عايزة افهم اللي بيحصل حوليا دلوقتي يبقي أية انت اتجوزتني علشان بتحبني ولا اتجوزتني علشان تحميني ولا علشان انا فدائية ولا علشان تبقي عارف انا بعمل أية بس لو متجوزني علشان المراقبة فانت تقدر تراقبني براحتك من غير رابط يجمعنا عايزه اعرف لية بتمنعني من الشغل وانت اللي بتأمرني اني اشتغله اصلا عايزه اعرف كنت عايز تكسركي ليه وانت اللي كنت بتقويني منين كنت عايزني ابقي المجهولة القوية ومنين عايزني ابقي فريدة اللي تقولك ايوا ونعم وحاضر وبس انت بتحبني اصلا ولا لا انا مش فاهمة اي حاجة انا مش فاهمة اي حاجة
قالت اخر جملة بصړاخ ليشير معاذ للجميع بالخروج ليخرجوا بالفعل ومعهم معاذ
ليحل الهدوء علي المكان قبل أن تتجه هي له وتقول
جاوبني يابلال ارجوك علشان انا بجد مش فاهمة حاجة وحاسة اني تايهة
نظر لها لفترة ثم قال بهدوء
حبي ليكي كان قبل اي حاجة انا كنت بعطي أوامر لمعاذ لفترة كبيرة وانا معرفش بوجودك زيك زي غيرك لان الفترة دي انا كنت برة مصر تماما ومكنتش براقبك كبلال العاشق الا لما اسمك طلع فجأة عرفت وقتها انتي مين خفت عليكي بقيت اجي احضر من غير ما تعرفي لكن زعلت لما عرفت انك بتكدبي علي اهلك في حكاية شغلك دي حسيت انك لازم تتعاقبي مستوعبتش حكاية انك مخبية دا علشان خاېفة علي خوفهم عليكي علي قد ما استوعبت انك مينفعش تكدبي فريدة مينفعش تكدب علشان كدا كنت مشوش معاكي في التعاملات لكن أنا اتجوزتك علشان بحبك وعايزك مش علشان حوار الشغل دا خالص
نظرت له پبكاء لتقول
انا كنت تايهة اوووي وانا معرفش بكدا كنت ضايعة ومكنتش حاسة
انا بحبك يابلال بحبك اووووي
بعد ثلاثة أشهر وثلاثة اسابيع
مفيش دخول مش عايز جوه جنس راجل انت سامع
ليقول الاخر پخوف من حالته تلك
حاضر يابيه دقيقة واحدة هروح ابعت دكتورة
وبالفعل دقائق وجائت أحد الطبيبات ليقول بحدة
لو حصل ليها حاجة هي أو البيبي مش هيكفيني عمرك أو عمر عيلتك كلها انتي سامعة
اؤمات بحسنا پخوف وهي تتجه للداخل
وخلال ساعة كان الجميع يقف امام غرفة العمليات منتظر خروج الطبيبة
بعد مرور نصف ساعة أخري خرجت الطبيبة ببسمة صغيرة قائلة
المدام بخير الحمدلله والبيبي كما بخير
بلال بتوتر
فريدة فعلا كويسة
ابتسمت الطبيبة وهي تراه كطفل خائڤ علي والدته وهي تؤمي بنعم
لتقول فيروز بفرحة
طيب المولود بنت ولا ولد
نظرت لها بتعجب ليقول حسان
اصل هما قرروا ميعرفوش نوع الجنين الا يوم الولادة
لترد الاخري بهدوء
جتلهم بنت زي القمر
دقائق وخرجت الطبيبة ومعها الطفلة ليمسكها بلال منها وينظر لها بسعادة وفرحة غير طبيعية ينظر لملامحها الجميلة التي تشبه ملامح والدتها وملامحه بشدة وكأنها تقاسمتهم معا
ليهمس بجوار اذنها بفرحة
اهلا بيكي يابسيل بلال عز الدين
اللي عنده ضحكة زي ديا واللي لون عيونه مش عادية يجي جنبي هنا يجي ليا احكيله علي اللي شفته انا بعنيا الله الله علي الضحكة ديا الله الله علي النظرة ديا
بعد مرور ساعة كاملة
دخل بلال للغرفة التي انتقلت لها فريدة ليتقدم نحوها ثم يقبل جبينها وهو يتنفس رائحة عطرها بعمق وهو يقول
من اصعب الساعات اللي مرت عليا
نظرت له ببسمة ولم تتحدث وهي تراقبه بعشق يكبر وينمو كل يوم اكثر فأكثر
قبل أن يقول
تحبي تشوفيها
خرج صوتها هاتفا
هي بنت
قال ببسمة مغيظا إياها
اها بنت وهسميها بسيل
فريدة
معناه أية الاسم دا طيب
رد عليها بهدوء
القوة والشجاعة والجرائة شديد العبوث وكثير الڠضب
شهقت وهي تقول
يابلال دي بنت يعني نسميها مايا يارا كارما اسم رقيق كدا بمعانيه
بلال بعند
لا هي هتتسمي بسيل علشان تطلع شخصيتها من اسمها
المشهد الاخير
بعد مرور ثلاث سنوات
صوت خطوات صغيرة تهبط علي دراجات السلم مع صوت زمير عالي يخرج من ذلك المزمار الذي بيدها وهي تتجه للخارج سريعا حيث سيارة والدها وصلت لباب القصر وكالعادة لم تستطيع أن تفتحه بسبب قصر قامتها لتتجه نحو الشرفة الزجاجية التي توجد بغرفة الصالون ومنها
تتجه نحو الخارج لتجد والدها قد دخل القصر من تلك البوابة الداخلية لتعود مرة أخري وهي تسير پغضب علي الأرضية هاتفية عندما رأته أمامها
اي دا يحني مفلوض تستناني علسان ازي استقبلك كدا مينفعس
خالص علي فكله
اي دا
يعني مفروض تستناني علشان اجي استقبلك كدا مينفعش خالص علي فكرة
تقدم نحوها وحملها بين ذراعيه وهو يقول ضاحكا
روح بابا زعلانة لية
هتفت پغضب طفولي حاد
انا تعبت نفسي ولوحت من هناك
انا تعبت نفسي وروحت من هناك
وأشارت ناحية الشرفة الزجاجية
واكملت
ولما وصلت ملقتكس وانت دخلت من الباب
ثم صمتت وتابعت پغضب
خلي الباب قصير انا مس بطوله لما انتوا عالفين اني جايه عملتوه طويل ليه ها عملتوه طويل ليه
قال ضاحكا
انت لو كنت عارف انك جايه مكنتش اتجوزت امك
بنفس اللحظة هبطت فريدة أيضا التي قالت
قولتلك نجيب ولد انت اللي اصريت نجيب بنت
غمز لها قائلا
خلاص مفيش مانع يلا نجيب الولد
لترمقه بغيظ ولم تتحدث
ليقول هو
هطلع انام لو عملتي صداع يابسيل بالبتاع اللي في ايدك دا انا هصحي ارميكي من فوق سامعة
هتفت ببراءة غريبة
حاضل يابابي
نظر لفريدة قائلا
الكلام ليكي انتي كمان ياريدا
هتفت ببسمة
متخفش يابابا مش هزعجك
ليبتسم ويقبل كل منهم علي جبينها ويغادر
لتقول بسيل لفريدة بعد أن أشارت لها بأن تهبط لمستواها
مامي مامي احنا هنسيبه ينام فعلا
قالت الاخري بأبتسامة
طبعا لا ياقلب امك تعالي اقولك نعمل أية بس التنفيذ بعد ساعتين علشان يكون نام شوية
بعد مرور ساعتين
اقتربت كل منهما من الفراش بهدوء شديد حتي جلست كل منهم بجواره أحدهم من اليمين والاخري من اليسار
ليخرج صوتهم معا قائلا
بابي
لم يرد عليهم ليكرروا النداء قائلين
بابي
فتح عيونه ونظر لهم قائلا
عايزين أية
ليهتفوا الاثنان معا ببراءة شديدة
بابي انا عايزه اشتري فستنات
تمت بحمد لله
زينب سمي
