حور الزين كاملة
ويتكلمو وانا مراقبهم في صمت اتوترت حاسه نفسي بيضيق هعيط
استأذنت اني اروح الحمام
دخلت التويلت باخد نفسي ب العافيه نقط العرق الصغيره كانت مليه وشي مسحتها ووقفت اهدي نفسي
اي اللي وصلني ل كدا مين البنت الضعيفه دي انا مش مجبوره اعمل كدا بعد شوية تفكير عدلت نفسي وخرجت كان زين بس هو اللي قاعد ياسين مكنش معاه
ااه ماهو رن عليا قالي
والله
ااه جاله شغل مهم اصل المعرض سايبو لوحده
بقيتي كدابه محترفه يا حور
قصدك اي
قصدي ان الحوار اللي حصل ده مش داخل عليا
حوار اي انت مش عايز تصدق دي مشكلتك
كفايه كدب بقا هو انتي فاكرني اهبل السلسله حرف سلمى صحبتك مش حرفو هو وكمان البيه اسمه ياسين اصله اداني كارت المعرض واسمه الحقيقي كان فيه ده غير سلمى صحبتك اللي قاعده على التربيزه التانيه بتكدبي ليه
قولتها وسبته وخرجت من الكافيه
جيه ورايا شدني من إيدي في نص الشارع
مش هتمشي قولي بتكدبي ليه
مش بكدب
لاء بتكدبي بتكدبي ليه
قالها بزعيق اتشنج عليا داس على إيدي جامد لدرجة ان الاصاپة بتاع امبارح رجع اتفتح تاني
ااه بكدب انا كدابه خلاص ارتاحت
ليه بتكدبي ليه عايزه توصلي ل اي انتي لسه بتحبيني يا حور صح
ردي عليا لسه بتحبيني
معرفش
امال مين اللي يعرف انتي بقيتي شخصيه تقرف بتكدبي وبتحوري والرد على قد السؤال وبتتجنبيني انتي مش حور بتاعت زمان لاء
انت بتلومني انا الحقيقه انت اللي شخصيه تقرف عارف ليه عشان انت ملكش امان للوعد من ساعت ما كنت في حضانه لحد ما بقيت ١٦ سنه وانت كنت كل يوم توعدني اننا لما نكبر هنكون لبعض وقبل ما تسافر وعدتني انك لما ترجع هتكون كبرت وهنعمل قصة حبنا
شخصيتك انت اللي زاي الزفت على الاقل انا فضلت مخلصه للوعد وصونته الدور والباقي عليك معرفتش تعمل اي حاجه من اللي وعدت بيها وحوار سليم عملته عشان اوريك ان انا كمان عملت زايك ونسيتك زاي ما نستني اشمعنا انت يعني
ولا كلمه
انا لسه بحك
زين ولا كلمه متتكلمش انت ملكش امان ووحش وقاسې وانا كرهتك ولو انت اخر
راجل في الكون مش عايزك انت سامع مش عايزك ياريتني ما عرفتك ياريتك ما دخلت حياتي
قولتها وسيبته ومشيت جريت منو موقفنيش غير صوت خبط عربيه
بصيت ورايا كان هو اللي العربيه خبطتو
صويت عياط صوت إسعاف بنجري في المستشفى
ولا كأني في فيلم في روايه دي مش قصه عاديه
دخلت التويلت غسلت وشي من الكحل اللي ساح في عيني وخرجت كان الدكتور خرج من عنده وطمني عليه دخلتلو
انت كويس
هبقا كويس لو سمعتيني
زين بلاش كلام في اللي فات اللي حصل حصل
مسك إيدي او انا اللي مسكت إيده اه مقهوره منو بس مستنيه اسمع مبرر مستنيه يقول انه مش بيحبها استسلمت وقعدت جنبه اسمعو
نوران اخت صاحبي من فتره طويله اهلها عملوا حاډثه كلهم ماټو صحبي ومامته وابوه الوصيه الاخيره هي اخته اخلي بالي منها عشان مبقاش ليها حد
كان ممكن اهتم بيها من بعيد ل بعيد لحد
ماتقابل ابن الحلال واجوزها بدال ما اتجوزها انا لحد ما بعد وفات
اهلها ب فتره عرفنا انها مريضة
