هوس مريض

على مين هى برضو اللى مش بتخلف ولا انت اضحك على حد مش عارف حقيقتكم وانتى يا دكتوره ياللى حلفتى قسم تقدرى تخالفي ضميرك وتعملى اللى هتعملوا ده 
هند يا ماما لو كمال هيكون مبسوط انا معنديش مانع حتى لو ھڨتلها انتى مش فاكره حاله كمال كانت عامله إزاى بعد ندي 
مامته وقفوا المهزله اللى بتعملوا دى يا إمن من النهارده لا انتوا اولادى ولا اعرفكم 
كمال لو سمحتى يا ماما امشي بقي احسن ماسه تسمع اللى بتقوليه ده والله لو سمعت لاقتلكم بإيدى فاهمين 
ماسه مكانتش مصدقه اللى بيتكلموا فيه وقد ايه هى رخيصه كده بيبيعوا ويشتروا فيها بس هى عمرها ما هتتخدغ مره تانيه ولازم تلحق تهرب من اللى هيحصلها 
وفضلت تبكى بكاء هستيري والممرضه اخدتها 
الممرضه يابنتى انتى لازم تهربي بسرعه قبل ما الجزارين دول ييجوا الحقي نفسك 
ماسه پبكاء اهرب إزاى من غير ما يشوفونى 
الممرضه بصي انا هخبيكى وراء الدولاب ده وهاخد حقنه مخدر ولما يدخلوا يلاقونى في الارض ويفتكروكى هربتى وبعدما يمشوا بشويه اخرجي وشوفي هتعملى ايه 
ماسه بيأس ماشي 
ونفذوا اللى قالوا عليه ودخل دكتور التخدير وشاف الممرضه على الارض ونده للدكتوره 
هند إيه اللى حصل ده وفين ماسه اختفت فين يادى المصېبه 
الدكتور انا دخلت ملقتش غير الممرضه وهي على الارض 
خرجت هند وقالت لكمال اللى اټجنن بالمعنى الحرفي للكلمه وبدء يكسر في كل مكان ويزعق بصوت عالى ويدور على ماسه پجنون وكل اللى يقرب منه يضربه لحدما اتكاتروا عليه وادوله مهدئ ونام شويه 
وبعدين ماسه استنت لحدما الدنيا هديت خالص وخرجت دورت على اى حاجه تلبسها وجريت بره المستشفي ومحدش قدر يتعرف عليها ورجعت البيت عند كمال واخدت هدوم ليها وفلوس وحبه من دهبها ودورت على الفلاشه اللى سجلتها واخدت الاب توب وكسرت الخط بتاعها وخرجت وفي نفسها قرار أنها لازم ټنتقم من اللى حاولوا يدمروا حياتها .....
ياترى هتعمل ايه ...
هوس مريض 
البارت السابع 
طلعت ماسه وراحت على محامى وورته كل التسجيلات والادله اللى معاها واخدها وطلعوا على مكتب النائب العام وعملوا بلاغ ورفعت قضيه خلع عليه وبعدها كانت في الشارع مش عارفه تروح فين ولا تعمل ايه وافتكرت لما كانوا
بيتكلموا وجت سيره واحده اسمها ندى وكانت عايزه تعرف حكايتها ايه راحت على بيت حماتها واتأكدت انها لوحدها وان كمال مش هناك 
رن الجرس والخادمه فتحت ودخلتها ونزلت حماتها تقابلها 
حماته انتى بتعملى ايه هنا انتى مش عارفه كمال بيدور عليكى إزاى انتى في خطړ كبير 
ماسه مش همشي غير لما اعرف كل الحقايق وهعرفها منك إنتى دلوقتى 
حماتها انا معنديش حاجه اقولهالك غير اهربي وانفدى بجلدك 
ماسه مين ندى وقتلوا إزاى بنتك وابنك المحترمين الافاضل 
حماتها وشها اصفر واتوترت جامد إإإإنتى عرفتى منين عن ندى دى 
ماسه سمعتكم وإنتوا بتتكلموا في المستشفي 
حماتها ابوس إيدك اهربي وامشي من هنا كمال إبنى مچنون وممكن يقتلك 
ماسه مش همشي إلا لما اعرف 
حماتها ده إبنى وانا مستحيل اقولك حاجه غير ان كمال عنده مشكله في عقله من وهو ١٠ سنين والمشكله دى بتصورله حاجات كتير غلط وبيشوف إنها صح وهند بتساعده دايما من كتر حبها فيه ومش شايفه إنها بتأذيه أكتر وانا أمهم ومش قادره اوقفهم إنتى هتعملى ايه 
ماسه ليه معالجتيش إبنك وسبتيه كده لحدما وصل للمرحله دى ليه 
حماتها پبكاء حاولت كتير بس كان بيرفض الدواء وحالته كانت بتزيد قوى قوى لحدما قابل ندى كانت دكتوره وقدرت انها تسيطر عليه وحبها حب جنون وكانت.... إمشي بقي من هنا روحي يالا مش هقولك حاجه يا ماسه شوفي طريقك واهربي اهربي على قد ما تقدرى انفدى بجلدك يا بنتى 
ماسه لسه هتتكلم سمعت صوت عربيه وكان كمال جاى حماتها خرجتها من بابا الجنينه وهربت ماسه فضلت تجرى لحدما نفسها اتقطع وبعدين ركبت تكسي وطلعت على موقف تركب اى عربيه تسافر بعيد وركبت العربيه وراحت على اسكندريه 
كمال دخل عند مامته وحضنها وفضل يبكى زى العيل الصغير 
كمال پبكاء ندى راحت منى تانى ومش عارف الاقيها هى لازم تعمل العمليه لازم تخف 
مامته يا حبيبي دى مش ندى دى ماسه حرام عليك تعمل فيها حاجه زى دى فوق بقي 
اتعصب كمال انتى ليه عايزه تحرمينى منها ليه بتعملى كده انا هرجع ندى ڠصب عنك 
مامته اتعصبت اكتر عليه دى مش ندى وعمرها ما هتكون هى فوق من اوهامك دى وانا مش هسمحلك تق ب منها ابدا فاهم 
كمال لسه هيرد الجرس رن وكان البوليس جاى يقبض على كمال بسبب البلاغ اللى قدمته فيه ماسه بمحاوله قټلها هو واخته وتدنيس شرف المهنه وخداع مريض 
وكمال اټجنن بسبب اللى بيسمعه وضړب الناس وهم مسكوه ضړبوه واخدوه معاهم للقسم 
مامته كانت خاېفه وطلبت المحامين بسرعه وحاولت تنقذه 
ماسه فضل ماشيه في الشوارع مش عارفه تروح فين وبعدين اخدت اوضه في فندق وقعدت لحدما تشوف هتعمل ايه وقضت كام يوم بتدور على شغل ولقت شقه تأجرها وبدأت تعتمد على نفسها اشتغلت في مطعم واتصاحبت على بنت هناك وبقوا اصحاب جدا في وقت قصير 
ماسه اتصلت تتطمن على والدها 
والدها ايه اللى عملتيه في جوزك ده يا بنتى وانتى فين روحتى 
شدت هناء مرات ابوها الفون منه وقالت دايره على حل شعرك فين يا هانم بعدما حبستى جوزك وهربتى مع مين بقي يا هانم 
ماسه انا مليش كلام معاكى ف متدخليش في حاجه متخصكيش انا بكلم بابا 
هناء هه ما انتى سايبه طبها ما تخصينيش ياختى بس لو عيالى هتتأثر بسببك ده انا أدفنك حيه 
ماسه ما انتى هيهمك ايه غير الفلوس اعتمدى على نفسك بقي وشوفي مكان تانى تجيبي منه فلوس ولا اقولك روحى اتجوزى كمال المړيض نفسي ده خليه يجننك او جوزيه لبنتك زى ما كنتى عايزه زمان واطلعى من دماغى بقي 
هناء قسما عظما لو مجيتيش اتنازلتى عن اللى عملتيه في جوزك وبوستى ايديه ورجليه لانا اللى هقفلك وھقتلك فاهمه 
ماسه لا مش فاهمه واللى عندك اعمليه انا من النهارده مش هتراجع أبدا وهاخد حقي كل مهما يحصل 
وقفلت ماسه الفون وكانت مټعصبه وفضلت تبكى كتير 
المحامين عملوا إخلاء سبيل لكمال مشروط بكفاله لحد محاكمته 
وخرج كمال وبقي بيدور على ماسه في كل مكان
والمردى پغضب أكتر بكتير بس اخته مقدرتش تخرج لان اتثبت عليها حاجات كتير غلط في المستشفي ووقفوها عن العمل وهتتحاكم مسجونه 
كمال لرجاله تقلبولى الدنيا على ماسه وتعرفوا مكانها راقبوا بيت اهلها وكل اللى في البيت انا عايزها بكره تكون تحت إيدى فاهمين 
وكمال كان بيفتكر حياتهم وكل اللى حصل فيها وكان رافض يشوف انه عايز ېخرب حياتها وانه كان بينقذها وادى لنفسه مبررات كتير على تصرفاته وابتسم 
وهو قاعد جرس الباب رن وجاله .......
ياترى مين اللى جه عند كمال وهيحصل ايه لماسه هتهرب ولا هيجرالها ايه 
معلش يا جماعه والله مش قادره اكتب غير بارت واحد في اليوم لان من امبارح ابن اخويا اتولد ودخل الحضانه من غير ما امه وابوه حتى يشوفوه ادعولهم بالله عليكم 
هوس مريض 
البارت الثامن 
كمال
جاب البودى جارد بتوعه
وخلاهم يقلوا الدنيا على