نصفي الاخر

كنت نازلة م البيت ورايحة الجامعة وانا باعيط 
بس سمعت صوت م ورايا 
انتي بټعيطي 
بصيت ورايا ولقيت واحد واقف ولابس بدلة وشيك اوي 
قولت وانا بامسح دموعي
ل لا مش باعيط انا كويسة
اومال الدموع دي تبقي ايه 
اتوترت وقلت بتهرب
احم هو حضرتك مين انا اول مرة اشوفك هنا 
ايوة انا مأجر جديد هنا

اتشرفنا يا 
عمر
اتشرفنا يا عمر وانا ريم 
طيب اسفة انا مضطرة امشي دلوقتي عشان عندي جامعه 
تمام 
كنت قاعدة ف المحاضرة لوحدي كالعادة ومستنية الدكتور الجديد اللي الكل بيتكلم عليه والبنات بتكراش عليه من قبل ما تشوفه حتي 
بس اټصدمت لما لقيته نفس اللي شوفته الصبح 
بدأ يعرفنا بنفسه وكان كل شوية يبصلي ف المحاضرة 
سمعت صوت جنبي
بقي قمر زيك كدا قاعد زعلان 
حاولت اتجاهل اللي قالي كدا لحد ما المحاضرة خلصت وطلعت ومشيت بس لما لقيته قدامي تاني وبيحاول يضايقني ومسك ايدي! 
دموعي نزلت وانا باحاول اشيل ايدي بس م عارفة
سيب ايدي!
فجأة لقيت دكتور احمد مسك ايده اللي كان ماسكني بيها وضربه ف وشه جامد 
انت ازاي تتجرأ تمسك ايدها
فضل يضربه كنت حاسة بشعور غريب اوي تقريبا دي اول مرة حد يقف معايا ويجبلي حقي قولت بحزن واضح ف نبرة صوتي
خلاص لو سمحت سيبه
سابه وبصلي باهتمام وقال
انتي كويسة 
كنت اول مرة اركز ف عيونه اللي خطفت قلبي تقريبا 
ا ايوة كويسة شكرا جدا
ع ايه دا واجبي 
لو مروحه انا ممكن اوصلك معايا
لا شكرا هاروح لوحدي 
ماعتقدش انو كويس تروحي لوحدك دلوقتي واساسا احنا جيران 
ب بس ماظنش انه هيبقي كويس لو حد شافني باركب معاك 
دي اخر حاجه ممكن تفرق معايا ي ريم 
وبدون مقدمات لقيته مسكني بلطف من ايدي للعربية وقال
ممكن تركبي 
حسيت باحراج وانا باركب العربية بعد ما لقيته بيمد ايده وفتحلي الباب 
ركبت معاه وانا شايفة نظرات البنات وكلامهم علينا 
وفضلت ساكتة لحد ما وصلنا 
بما اني طلعت استاذك ف الجامعه فلو احتاجتي اي حاجه متتردديش انا 
ابتسمتله وقلت
شكرا جدا ي دكتور 
بعد ما دخلت البيت اول مرة احس
بشعور مختلف عن شعور اني وحيدة ومليش حد 
اول مرة حد يقولي كلمة تفرحني باين! 
قاطع صوت تفكيري الشخص اللي لقيته واقف قدامي وبيبتسم ليا بشړ 
ا انت بتعمل ايه هنا! 
وحشني صوتك ي ريم 
للحظة حسيت ان قلبي وقف واني مش قادرة اتحرك ودموعي نزلو بتلقائية 
لما شفته افتكرت طفولتي اللي عشتها وتقريبا لسة م اتعافيت منها! 
قولت بصوت مبحوح
ا امشي من هنا 
قال
وانتي فاكراني جاي دا كله عشان ف الآخر امشي انا هادفعك تمن اللي عملتيه فيا 
حطيت ايدي ع ودني وقعدت ع الارض وانكمشت ف نفسي وانا باحاول اوهم نفسي ان كل حاجه