تاخدي كام و تعلميني الكتابة
ولا أسأل ليه واشمعنا ولا ادخل نفسي في مواضيع مليش فيها لذلك مكالمته كانت شفافة بالنسبالي.
جبتيلي قهوة معاك ده كتير عليا ده.
للأسف الاتنين وقعوا من نصيبي لأن معدتك مش هتستحمل.
لا يستي أنا ومعدتي هنتفاهم مع بعض دي قهوة بوش تشهي.
لا والله ما يحصل متحاولش.
هشرب بق بس.
ولا حتى شفطة.
طب مهو شكلها قدامي هيخليني أضعف.
قومت عند الحمام
اللي في المكتب كبيت الاتنين قهوة في الحوض ورجعت له بكل برود
طب وكده
أي ذنب قهوتك يعني قهوتي وعرفناها لكن قهوتك أي ډخلها
متعودتش آكل أو أشرب حاجة بدون ما اللي قدامي يكون معاه زيها لذلك مقدرش أبقى بشرب قهوة وأنت بتشتهيها وأتجنب ده لأنه ميصحش.
مش عارف أقولك أي والله ...
تسمع اللي حليت عليه تمارين يا شاطر وتوريني إذا كنت فهمت ولا لأ.
أموت أنا في التحديات.
ضحك وأنا ضحكت ولكن كملنا شرح وحل كتير وبدأت أخليه يمارس معايا مهارة نطق مخارج الحروف بشكل صحيح ومهارة الاستماع فتلقائي أيده تكتب اللي يسمعه وكنا أنجزنا جزء كبير في نور البيان.
أنا مسألتكش عن سبب رغبتك في التعلم خوفا أخدش چرح أو أنتهك خصوصية ولكن حابة أسألك دلوقتي بعد ما عدا أسبوعين وأكيد حضرتك عارف إني لأ بتاعة هزل ولا تقليل من شأن أي شخص وإجابتك هتفيدني في الجزء اللي بقدمه ليك مش أكتر.
ابتسمت لمغزى سؤالي وإن إجابته حددتلي شيء أنا على أساسه هكمل دروسي الجاية
الله مزجتني وأنا من أيدك دي لأيدك دي.
إذا لا أجد أبلغ من أشعار العرب ده بعد القرآن الكريم طبعا لذلك جبتلك نوت بوك مكتوب عليها ضي دي هتكون مخصصة لإملاء الأشعار فقط اتفضل.
مسكها وقلبها بين أيديه بإعجاب
دي ليا
أها طلبت من بنوتة تصممهالك مخصوص هتلاقي اسمك عليها كتوقيع في نهاية كل صفحة.
مش عارف أقولك أي بس النوت بوك دي مش هتفارقني.
أتمنى نبدأ
جاهز جدا.
هنبدأ بحاجة تفائلية وفيها أمل علشان تبقى بداية خير عليك.
واثق في اختيارك.
يحدثني الصباح عن الأماني
وعن ورد القصائد والمعاني
ويأمرني بأن أغدو لحلمي
بلا ضجر وعجز أو تواني
ولي قلب به هم ثقيل
كان بيكتب بشغف ويحاول يتهجى وأنا كنت بساعده وبكرر الكلام كتير وبطول في المد وببطئ في النطق لحين ما يكتب ويقول انتهيت وكنت كل ما أخلص بيت شعري أكمل اللي بعده.
سمعني
