رواية زخات العشق والهوى من الفصل السادس لـ الفصل العاشر
مش ملاك عشان يحافظ بالشكل دا ولعلمك أنا زعلت منه وقتها واتخاصمنا وهو رجع حافظ العهد من تاني دا بالنسبة للخمور أنا بالنسبة للعهد بتاع البنات فهو مرجعش يكلمهم فعلا ولو يعني على إنه بيكلمك وكدا فانا عن نفسي مش شايفة إنك البنت الواو اللي تغار منها عليه
ختمت حديثها وهي تجلس على مسند مقعده وقالت بإبتسامة خفيفة
وسولي حبيبي قلبه وعينه مبقاش شايفين غيري خلاص ولا إيه ياسولي
لقدت تجاوزت كل القواعد التي وضعتها له كل شيئا ممنوع منه مباح الآن لقد قرعت ناقوس الخطړ ولن يهدأه ليرد بسرعة وكأنه إنسانا آلي
فشلت سهر في مهمتها والسبب يرجع إلى فيروز غادرت المكان بعد أن قامت بطردها بشكل غير مباشر نهضت خلفها وأوصدت الباب واستندت بظهرها عليه ثم بسطت يدها وقالت بوعيد بعد أن قال بتوتر ملحوظ
فيروز والله العظيم كنت هاقل لك إني شربت كاس واحد بس و
تعال لي يا دوك عشان حسابنا تقل اوي
وقف من خلف مكتبه وذهبت إليه كالطفل الذي ينتظر عقاپ والدته جلس على طرف الأريكة وقال بندم
أنا آسف مش هكررها تاني صدقيني
عقدت ذراعيها أمام صدرها وقالت بحزن مصطنع
لأ صدقتك كتير أنت كداب أنت خلاص مبقتش تحبني
لأ
وحياتي
بردو لأ وأنت محروم من الخروجة بتاعت النهاردا
انعكست الآية وأصبحت هي التي تتهمه بالإهمال وعدم الحب كاد أن يجن حقا اغتاظ منها وبدأ يرتدي قناع القسۏة لتلين هي بعد عدة دقائق وبين هذا وذاك انتصر الحب نظرت له وقالت
أوعى تبعد عني ياسلطان
تفتكري لو كنت أقدر كنت فضلت في مصر المدة دي كلها
أنا بحبك ومش هعرف اعيش من غيرك
ولا أنا ياروزي
اقترب منها وقال باسما
عارفة أكتر حاجة حبتها فيك إيه دلوقتي
إيه
إنك اتعاملتي معاها كأنك عارفة فعلا
مش ها سمح لحد يدخل بنا يا سلطان أنا بحبك و
صورة خطوبتنا اتكسرت ليه
قام بنزع الزجاج من يدها بهدوء حتى لا تتأذى وقال بحنو وحب
مافيش حاجة هتخصل طول ما احنا مع بعض
أنا قلبي مقبوض وحاسة إن في حاجة وحشة هتحصل وإن كسر الصورة دي مش خير
وليه كدا تفائلي خير
ختم حديثه وقال مازحا
متقلقيش أنا كاتب مؤخر كبير يعني مستحيل اسيبك
بدل حزنها بإبتسامة خفيفة متكلفة حتى لايحزن عليها لملموا الزجاج وبدأ يسرد لها عن مخطاطاته القادمه معاها كانت هي في عالما آخر تريد معرفة الغيب مالذي سوف يحدث هل هو خير أم للقدر رأي آخر .
مالك بس ياصدفة زعلانة ليه كدا على الصبح
التربية والتعليم سايبة أيام السنة كلها وجاية يوم عيد ميلادي وتقول لأ انزلي يا صدفة النهاردا اول يوم الامتخانات
قالتها جميلة وهي تقف على أعتاب باب شقتها لتضع القمامة بينما كانت صدفة تتأفف وتحدثها بضجر ابتسمت وهدأت من ڠضبها وقالت
معلش بكرا تخلصي وترتاحي منها خالص دي آخر سنة في الدبلوم صح
اه
طب معلش اتحملي كلها أسبوع ولازعشر أيام وتخلصي
اتحمل إيه ولا إيه بالظبط ظلم التعليم ولا غلاسة بلال ابن اخويا ولا ابويا اللي مبقاش طايق لي كلمة ويقل لي اللي زيك دلوقت فاتح بيت ومعاه عيال
ياستي بكرا الايام تحلو
لأ تحلو دلوقتي معلش دعوة
أخذتهاجميلة من يدها وقالت بفضول
تعالي بس قولي لي عملتي إيه في مشروعك أنا بقالي فترة معرفش عنك حاجة
ردت صدفة بحزن ظاهر على ملامح وجهها
ابويا قال خلصي الامتحانات وانزلي افتح المحل لو نجحتي هساعد واشتري باقي المكن ولوسقطتي يبقى خلي عندك دم ونامي في المحل وماشفش وشك تاني
ردت ضاحكة وقالت
لأ مټخافيش هتنجحي وهتبقى أشطر واحدة في كل حاجة اطمني
سيبك مني أنا ومشاكلي التافهة قولي لي عملتي إيه في مشروعك حددتي حفلة الافتتاح
والله ياصدفة عاكف طالع عينه معايا وكل ما نحدد معاد تطلع لنا مشاكل منعرفش بتتطلع منين كنا منتظرين رجوع عابد والدنيا تتظبط واهو الحمد لله رجع حددنا بقى تكون يوم الخميس الجاي
طب وأنت جاية هنا ليه مش أنت وعمي خلاص حليتوا الخلافات اللي بنكم
لأ
ليه كدا
مافيش أنا الأيام دي مبقتش بتحمل حاجة ولا حد ومش عارفة مش طايقة نفسي ليه ومن أقل حاجة اقلب الدنيا
يمكن عشان الحفلة قربت ودا توتر طبيعي و
بتعملي إيه هنا يا عمتي أنت مش قلت عندك درس وخلتيني اغسل المواعين مكانك
وقف بلال على اعتاب شقة جميلة وهو يترك من يده أكياس القمامة ولج بعد أن أشارت له بالدخول وسألته بإبتسامة خفيفة
أنت مين يا عسل تعال سلم عليا
أنا بلال ابن اخوها
ردت صدفة بمشاكسه وهي تشير بيدها تجاهه
وقدري اللي طلع لي معرفش من أنهي حتة
حرام عليك يا صدفة دا عسل اوي أنت في سنة كام يا بلال
أنا المفروض ابقى تانية اعدادي بس الزمن جه عليا وخلاني في أولى
وهو الزمن جه ازاي
سقطت يعني يا خالتي بس أنا مسكتش
عملت إيه
خرجت من المدرسة واشتغلت صبي حلاق في دكان ابويا
بس الدراسة هي مستقبلك يا بلال
دراسة إيه ياستي صل على النبي أنا يوم ما هذاكر وانجح واتعين في الحكومة هاكسب كام يعني
ليه بتبص للماديات بص لمكانتك العلمية بص إنك لما تيجي تتقدم للإنسانة اللي بتحبها هتقول إيه لباباها مش متعلم ولا معايا شهادة
لأ هاقل له أنا اللي اتعلمته في الدنيا محدش في الدنيا اتعلمه
لا يابلال تفكيرك غلط أنت لسه العمر قدام ياحبيبي ليه تتضيع مستقبلك بإيدك وترجع ټندم
ندم إيه اللي بتقولي عليه أنا اكتر حاجة ندمت عليها إني غسلت المواعين وعمتي مرحتش الدرس بتاعها غير كدا شكليات يا خالتي
هتروحي الدرس ياعمتي ولا اعرف جدي
خلاص يابلال هروح أنت بتقفش كدا ليه
وقبل أن تبدأ وصلة النشاجرة التي لن تنتهي أبدا وطأعاكف قدماه وهو يقول بإبتسامة خفيفة
السلام عليكم
ردت جميلة وقالت بإبتسامة عريضة
وعليكم السلام تعال ياعاكف
جلس على المقعد وقال بإبتسامة خفيفة وهو يتفقد الجميع بنظراته
عاملين إيه
الحمد لله انت عامل إيه
الحمدلله ازيك ياصدفة
بخير والحمدلله
صاح بلال وهو يحث عمته على الوقوف وقال
عمتي يلا معاد الدرس
حاضر
لا معلش يا بلال خليها تعمل لي اي بالقرنفل وبعدها تروح
لا يا خالتي اعمله أنا وهعمل لك شاي بالياسمين كمان
تشرب شاي بالياسمين
هااا
تشرب شاي بالياسمين
ماشي
يلا ياعمتي امشي أنت وأنا هاجي اخدك من هناك بتقل لك التعليم مهم هي البنات فالحة في لما الرجالة هتفلاح
معاك حق والله يا بلال اول مرة ابقى معاك في حاجة أنا مش نافعة خالص في التعليم
ليه وهو أنت حاسبة نفسك من البنات !!
لم ترد عليه حتى لا تتدخل معه في جدال عقيم قررت الذهاب دون أي تعقيب على ثرثرته بينما هو ذهب ليصنع الشاي الساخن الممزوج بالقرنفل الذي علمته له عمته وضعه وقال بهدوء
أنا همشي بقى عاوزة حاجة
