اسكربيت للكاتبة رحمة طارق

أستاذة صعبة.
ابتسمت ومحاولتش أنكر أنا فعلا صعبة مش معقدة ولكن التجارب السيئة بتسيب أثر جوانا والأثر دا خليط ما بين خوف وقلق وأرق وياترى بكرا في أية ف في كل الأحوال لازم على الأقل أرسم حياة مرتاحة لنفسي.
دا حقي كست.. وحقي كإنسان.
يمكن. 
تفتكري لو القاعدة دي خلصت هنقعد تاني 
وقفت ردك وصل بدري على العموم أنا اتبسطت بالحوار معاك جدا فرصة .. 
يمكن منقعدش لأننا ممكن نتخطب علطول يا متهورة. 
مدنيش فرصة لا أتصدم ولا أدافع عن نفسي حتى قفل زرار بدلته ووقف بأناقة لا أنكرها وقال 
هستنى موافقتك. 
وقبل ما يمشي كام خطوة وقفته  
مين ضمن لك أنا ممكن أرفض. 
وتبوظي معدة حد غيري يا قاسېة! 
وبكل هدوء فتح الباب وخرج وأنا فضلت ثابتة مكاني ساندة على حرف الباب وبقيم الموقف ككل. 
طب ما ليه لأ يا رحمة
ياناس ياهوووو بنتي وافقت على عريس أخيرا. 
في أية يا ماما هو أنت فقدتي الأمل فيا ولا إية 
بس يا عانس مسمعش صوتك. 
أم العروسة بصحيح دا أنا بقول أمي هتبقى حما شديدة كدا وهتوقف جوزي عند حده. 
جوز مين الي أوقفه أنا هروح أكلم ابني ونور عيني زين أطمن عليه أكل النهاردة كويس ولا لا. 
ماما أنا متغدتش.
ما تكلي وانا مالي.
وخرجت وأنا فضلت نايمة على السرير بفكر في حياتي الجديدة أنا بجد وافقت إني راجل يدخل حياتي !
شوفي مين بيرن يا فاطمة. 
مسكت التليفون دا زين يا رحمة.
نطيت من فوق الكرسي هاتي بسرعة. 
يا سلام على الحب يا سلام سلم. 
خرجتها برا أوضة المكتب وأخدت نفس قبل ما أفتح التليفون. 
العلاقة بتبدأ ممكن نقول إني في مرحلة الإنجذاب اللهفة الرغبة في التودد في الوجود في القرب بشكل عام.
خلصتي شغل 
بلم شنطتي ونازلة. 
طيب أنا مستنيكي.
مستنيني فين أنت جيت عندنا 
انا تحت المكتب يا رحمة انزلي. 
قفلت وجريت على الشباك بسرعة وكأنه توقع الحركة فرفع رأسه وحرك إيده في تحيه سريعة. المفروض بقى أنزل المفروض أمسك الشنطة وأطير عليه بس انا وقفت مكاني حوالي دقيقتين ببصله أو مش ببصله أنا سرحانه وفي نفس الوقت معاه وبدون ما أشعر لقيت نفسي ببتسم ابتسامة هادية لدرجة إنه أستغرب تصرفي الجديد عليه من ساعة ما اتخطبنا فرن على تليفوني تاني. رفعت التليفون على ودني وانا ثابتة في مكاني وسمعت صوته 
مالك 
مبسوطة.
سؤال مهتم 
إجابة صريحة
ولا وجود لإخفاء المشاعر والهروب اللذيذ. 
الست الي جوايا محتاجة الاهتمام دا الحركات دي الطريقة دي في الكلام الابتسامة دي عند المقابلة فتحة باب العربية الشيك وسؤال عن أحوال اليوم بلطافة.
مين قال إن التفاصيل مش مهمة لكل الستات 
كل ست مهما كانت مين تركيبتها أية اهتمامها أية هتحب التفاصيل الصغيرة دي وخصوصا لو فاتحة ليها