حب في السر

اقعدي 
_انا كنت حابه اتعرف عليكي هروح اجيب ملك صاحبتي ونيجي نقعد جنبك
ابتسمت وهي راحت ل ملك وجت البنوته التانيه ابتسمت وقربت 
_انا ملك انتي هاجر بنت عم سرااج
بصتلها بدهشة_ انتي تعرفيه
ابتسمت ملك _ طبعا اعرفه ده حاليا صاحبي 
_صاحبك عادي كده !
_ اه طبعا ايه المشكله يا بنتي ما انتي شايفه كل الناس اهي بيصاحبوا عادي 
بسمله بصتلها وبعدها بصتلي _سيبك منها دي تفكيرها غريب قعديني انا جنبك عشان كنت حابه اتعرف عليكي من زمان
ابتسمت وقعدت جنبي وبدانا نتعرف على بعض باين عليها شخصيه كويسه خلصنا المحاضره وروحنا التدريب وعرفت انها جايه تتدرب معانا هي و ملك دخلنا وقاعدنا وبعدها مستر حازم شاورلها راحتله وبعدها قعدت جنبي وابتسمت ف ملك سألتها
_ فيه حاجه ولا ايه 
بسمله ضحكت _ كان بيقولي جعان وبعد ما تخلص أطلع بسرعه عشان نروح
بصتلها _ خدي انا معايا سندوتشات خليه ياكلها قبل ما يبدا معانا 
بصتلي بدهشه _ دي سندوتشات جاهزه جبتيها منين 
_ لما وقفتي مع ملك روحت جبتها روحي اديهالوا 
اتكلمت بخبث _ طيب ما تروحي انتي عشان مش هيوافق لو روحتله انا ولحد ما اتكلم انا و ملك عشان عايزاها ممكن
هزيت راسي وروحت عنده جه فرصه اني ارد حق المواصلات و الشيبسي قربت منه وابتسمت ف ابتسم 
_ فيه حاجه يا هاجر تسمحيلي طبعا اقولك هاجر من غير انسه
ابتسمت _ انا كده كده مش بحب الألقاب ف عادي يا مستر حازم 
_ انتي بتقولي من غير القاب قوليلي يا حازم 
_ لا طبعا حضرتك مستر حازم المهم اتفضل 
_ ايه ده 
_ دي سندوتشات صبر نفسك بيها لحد ما تروح 
_ ومين قالك اني عايز اكل 
_ عادي يعني باين عليك مأكلتش المهم اتفضل 
_ لا السندوتشات دي عشانك انتي 
_ انا كلت صدقني يلا اتفضل كل كويس وانا هرجع بعد اذنك
سبته ومشيت وروحت عندهم قعدت وعطتهم سندوتشات وكلنا بسرعه قبل التدريب خلصنا وطلعنا وهو وقف شكرني وبعدها روحت ودخلت بدلت هدومي وقعدت بعدها الباب خبط ودخل سراج مكشر 
_ انتي روحتي تدريب النهارده
بصتلي بشك _ اااه مين قالك 
_عرفت زي ما عرفت وانتي تروحي ليه اصلا من غير ما تقوليلي
زعقت_ وانت تعرف ليه اصلا انا قايله ل عمي
_ كذابه انتي مقولتيش 
_ ملكش دعوه تصدق متصدقش براحتك اصلا ملك اللي قالتلك صح 
_ملكيش دعوه عرفت ازاي وتروحي ليه اصلا من غير ما تعرفيني وتروحي تديله سندوتشات بتاع ايه 
اتكلمت بسخريه _ وهي لحقت تقولك ااه انا اديته سندوتشات عشان هو دفع تمن المواصلات وكمان كان معاه كيس شيبسي وعطاه ل ملك 
_ تقومي تديله سندوتشات خلاص بقيته أصحاب 
_ ملكش دعوه يا اخي أصحاب ولا لا خليك في حالك وسبني في حالي
اتعصب وطلع برا وانا قعدت انسان غريب ومستفز فعلا ماله هو و مالي خليه في حاله الايام اللي بعدها مكنتش بكلم غير نهال بس قليل هي اصلا مش صاحبتي اوي وكنت بتكلم مع بسمله شخصيه جميله حقيقي
مكنتش بكلمها انا اكتر حاجه بكرها نقل الكلام وهي عارفه أنه هيعمل مشكله حازم بقى اللي شخص تاني خالص بحسه احيانا غريب في تصرفاته ونظراته مع أنه اصلا محترم جدا بس مش عارفه فيه ايه من وقت ما اتخنقت مع سراج بقيت بتجنب حازم و سراج كمان
وفي يوم كنت في التدريب وقتها حازم قال اسمي وهو بيشرح فبصتله وقال 
_ اطلعي اعرضي وقوليلي وكنت بقول ايه كده
بصتله پصدمه ف ابتسم بتشجيع و بسمله قومتني فقومت بتوتر وانا خاېفه فيه خوف جوايا رهيب طلعت ووقفت قريب منه ومسكت المايك فهز راسه وقالي اشرح بس قبل ما أبدا ابتسم وقالي بهمس مټخافيش انا واثق فيكي
غمضت عيوني پخوف وبدأت اثبت نفسي وبعدها بدأت اعرض شوية شوية بدأت أهدى والخۏف يروح بعدها خلصت وكل صقف وهو بصلي وقالي 
_براڤوا عليكي يا هاجر يلا ادخلي
دخلت وبسمله بتصقفلي وبعدها حضنتني 
_براڤوا عليكي كنتي هايله
ابتسمت ف ملك بصت بلامبالاه
_ وايه يعني ما انا طلعت وعرضت وكان عادي ليه محسسني انها عملت إنجاز
بسمله ابتسمت وقالتلها_ طيب وانتي زعلانه ليه يا ملك 
_ وهزعل ليه انا شايفه الموضوع مش مستاهل الافوره دي 
بصتلها وابتسمت_ وانتي جايه هنا ليه طالما الموضوع مش