حب في السر

مستاهل 
ابتسمت اوي _ اصل انا معجبه بحازم اخوها فقولت خليني قريبه منه 
بصتلها بذهول _ طيب وسراج 
_عادي يعني معجبه ب حازم و سراج
مردتش عليها باين عليها مش طبيعيه خلصنا وطلعنا بس حازم وقفنا ف ملك قربت منه وابتسمت
_ ايه رايك في ادائي يا مستر حازم كنت شجاعه صح وعندي ثقه 
بصلها بلامبالاه_ كنتي كويسه 
وبعدها بصلي وابتسم _ كنتي هايله يا هاجر بجد براڤوا عليكي ممكن يا بسمله تاخدي صاحبتك وانا هتكلم مع هاجر شوية
_ حضرتك كنت عايزني في حاجه 
_ ااه انتي بتتهربي مني ليه 
_ انا مش يتهرب ولا حاجه 
_ لا بقيتي بتمشي بسرعه ومش مدياني فرصه يا هاجر 
_ وانا ادي لحضرتك فرصه ليه مش فاهمه
اتنهد _ ولا حاجه فين سراج مختفي فين الايام دي 
_ موجود في البيت ومن البيت ل شغل كده يعني 
_ اااه بس انا مش بشوفه 
_يمكن يكون مشغول بعد اذنك
مشيت روحت البيت وقعدت حنبهم وقعدنا ناكل في وسط الكلام سراج قال 
_ بابا انا بحب واحده وعايز اتقدملها
عمي بصله پصدمه وبعدها بصلي وقال _ ويا ترى مين دي 
_ ملك بنت عم احمد اللي في الشارع التاني 
اټصدم عمي وقاله _ ملك ازاي يعني 
ايه يا بابا بحبها فين المشكله 
_ مش شبهنا يا ابني مش فاهم فين المشكله 
_بس انا بحبها ومعجب بيها
عمي هز راسه بخيبة أمل وبعدها بدأ ياكل وانا كملت اكل بلامبالاه تاني يوم عمي راح طلب ايد ملك ل سراج واتفقوا على الخطوبه
يوم الخطوبه وبعد تجهيزات كتير للفرح كنت قاعده ماسكه الموبيل وبشوف رسايل جروب الدفعه دخل سراج مبتسم وبعدها كشړ 
_ايه ده انتي ملبستيش ليه 
بصتله بملل _ مش هروح 
رفع حاحبه_ده ليه إن شاء الله 
_هو كده مش هحضر خطوبتك انا حره 
ابتسم باستفزاز_ قولي بقى انك غيرانه
ابتسمت بسخريه _ وهغير ليه إن شاء الله
_عشان فضلتها عليكي 
_ليه يا اخويا من حلاوتك يعني 
ظبط الجرافات بتاعته _من جمالي يا بنتي 
ضحكت بملل _واضح جدا يلا روح فرحك يا ابني عندي مذاكره
_طيب يلا يا هاجر عشان نمشي قدامك خمس دقايق بس
_ لا وفرهم علي نفسك واتفضل روح شوف وراك ايه
بصلي بضيق _ انا صبري ليه حدود يلا يا بنتي عشان ماما مش راضيه تيجي الخطوبه عشانك 
_وانا قولتلك مش هاجي معاك 
بصلي بعصبيه وعيونه احمرت هو هيتحول ولا ايه _طيب يا هاجر ربع ساعة لو ملبستيش اقسم بالله استحملي اللي هيجرالك بقى
_يلا اركبي
في الوقت ده جت بسمله ومسكت ايدي 
_تعالي معانا يا هاجر عربية
حازم اخويا الجديده اركبي معانا عشان كده كده سراج هياخد عروسته معاه ومش هيكون فيه مكان
بصتلها بتفكير يلا انا اصلا مش عايزه اركب معاه 
_انا هروح اركب مع بسمله 
بصلي پغضب _تركبي فين اركبي معايا 
_لا انت لسه هتجيب ملك انا هركب مع بسمله ممكن يا عمو
عمي اتكلم_ما تركبي معانا يا بنتي 
_يا عمو سراج لسه هيجيب خطيبته وهتركب معاكم ومعاها مامتها انا اركب فين 
_خلاص يا بنتي روحي
ابتسمت ل سراج باستفزاز وبعدها مشيت مع بسمله وركبت معاهم العربية انا وهي ركبنا ورا وهو كان باباه راكب معاه لأن مامته متوفيه كنت قاعده في العربية انا و بسمله وبنضحك وبعدها حازم نزل من العربية ف باباه اتكلم 
_رايح فين يا حازم 
_ثواني يا بابا وجاي
انتظرنا شوية وبعدها جه حط شنطه جنب باباه وبعدها حط قدامنا شنطه وركب العربية بسمله خدت الشنطه وفتحتها لقيت فيها بسكوت وكيكه وشيبسي وشيكولاته وعصير وكل حاجه منها اتنين ف بسمله بصتلي وابتسمت 
_هو جايب من كل نوع اتنين كل واحد ياخد واحده 
_لا ده ليكي انتي بالف هنا 
حازم بصلي في المرايا وابتسم _ ده ليكم انتوا الاتنين يا هاجر مش ليها لوحدها 
_بس 
باباه اتكلم _ من غير بس يا بنتي يلا اتسلوا لحد ما نوصل ده لسه سراج نازل يجيب العروسه ولحد ما نوصل القاعه هياخد وقت
بصتله باحراج وابتسمت وبعدها بسمله فتحت بسكوت وعطتني كنت ببص من الشباك وبعدها رجعت بصيت ل بسمله لحظت حازم بيبصلي في المرايا بصتله لقيته ابتسم وغمزلي برقت وكحيت و بسمله فتحت عصير بسرعه وعطتهوني وضحكت 
_براحه فيه ايه يا هاجر
_ينفع تبطلوا ضحك شوية
بصتلها باستغراب ف بسمله اتكلمت 
_فيه حاجه ولا ايه 
اتكلم بضيق_لا بس شكلكم ملفت 
_مش فاهمه