سكريبت بقلم سولييه نصار
عليها كويس ....
وفعلا اخواتي شالوني...كان نفسي اصړخ بس كانوا كاتمين بوقي ...معرفش هما ليه متعصبين كده .....المهم اخواتي دخلوني الاوضة وقفلوا عليا الباب ..
بصت امي لأخواتي وقالت
البنت دي متطلعش من البيت والا هتجيبلنا ڤضيحة واحنا مش ناقصيين ...
وبعدين مشيت وسابتهم...
مر يومين وطبعا مقدرتش اروح الشغل ...كانت امي تجيبلي الاكل وتخليني اروح الحمام قصاد عينيها حاولت كتير اهرب منهم لكن كانوا بيكتفوني ...ماشي بس اطلع من هنا هبلغ عنهم البوليس ...هي فوضي يعني !!!
آسر كان قلبه وأكله علي نسرين بيتصل بيها ومبتردش ...ميعرفش هو قلقان بالطريقة دي ليه الموضوع اكبر من الهام هو فعلا افتقدها و افتقد چنونها ...يا تري قررت تبعد عنه ...فكر بفزع اكبر وقال
او ممكن يكون حصلها حاجة ...
قالها ووقف وكمل
لا لا أنا مش هفضل حاطط ايدي علي خدي بالطريقة دي أنا هروح بيتها وأشوف القصة ايه ...
كان سايق عربيته في اتجاه بيتها وقلبه بيدق جامد يومين غابت عنه وكان هيتجنن ...هي البنت دي عملته ايه بالضبط احيانا يغير عليها. احيانا يفتقدها ويتجنن لما تغيب عنه لفترة بسيطة بس.... وقف عربيته فجأة وابتسم وهو بيفتكر كل مواقفها الطريفة...عندها قدرة تخليه يضحك وهو في عز حزنه ...مش هينسي يوم ۏفاة صاحبه لما كان منعزل عن العالم وبيشتغل وبس هي بكلمة منها خلته يفوق ويرجع للحياة ...قد ما كانت بتعمل حاجات تجننه كانت الوحيدة اللي تقدر تتكلم معاه وتجادله لحد ما يخرج من اللي هو فيه ...
وصل اخيرا آسر للبيت وهو مبتسم ومتحمس أنه هيشوفها ....رن الجرس وهو مستني أنها تطل بوشها الجميل بس ابتسامته اختفت لما ظهر شاب شبه نسرين شوية...ومن وراه كانت ست كبيرة
انا آسر رضوان مدير ...
قاطعته الست بسخرية و قالت
هو انت مدير الندامة ..
وبعدين شاورت لعيالها وقالت
كتفوه وارموه جمبها. ...
وقبل ما يستوعب جه تلات شباب ودخلوه البيت بالعافية!!!
الجزء الاخيربقلم سولييه نصار
حضرة المدير ...أنا اسفة للي بيحصل ده ...
قولتها للمدير اللي فجأة لقيته مكتفينه علي كرسي ومقعدينه جمبي ... بصلي پخوف وقال
انتي مخطۏفة ولا ايه ...فيه ايه يا نسرين ...
لا يا مدير دوول اهلي متقلقش...بس هما عندهم جينات إجرامية شوية ...
بلع ريقه وقال
وهما رابطينك ليه !!
بصيت له بتوتر وقولت بكدب
نسرين مش وقت هزارك ده !!!!
انا هقولك ...
قالتها ماما وهي داخلة بساطور كبير ...فصړخت فجأة
امي أنا بنتك متنسيش ...اقولك اقتليه هو ..هو اللي اغواني ..أنا بريئة .
وبدأت ادعي اني ببكي ... بصلي هو پصدمة وقال
اغويتك!!!يخربيتك ناوية تلبسيني مصېبة !!!يا مدام أنا معملتش حاجة والله
يعني متجوزتش بنتي عرفي...
ايه عرفي ...لا والله ابدا ...أنا كلمتها في خطوبة بس وكان يتقطع لساني قبل ما اكلمها في كده ...
ايوة يا ماما والله ده اللي حصل ...لكن احنا متجوزناش والله ما اتجوزنا ..خلاص بقا فكي المدير فضحتيني الراجل هيقول علينا مجانين ...
بصلي المدير وقال
لا يا حبيبتي انا اقتنعت فعليا انكم مجانين فعلا مش لسه
